అఖిల్‌తో అరంగేట్రం చేసిన క‌థానాయిక సాయేషా సైగ‌ల్‌. ఆ సినిమా హిట్ట‌యితే సాయేషా తెలుగులో బిజీ అయ్యేదేమో? కానీ.. అఖిల్ సినిమా ఫ్లాప్ అవ్వ‌డంతో త‌న‌కు రెండో ఛాన్స్ ఇచ్చే ధైర్యం ఎవ్వ‌రూ చేయ‌లేదు. దానికి తోడు సాయేషా న‌ట‌న కూడా అంతంత మాత్రంగానే ఉండ‌డంతో ఆయేషాకు అవ‌కాశాలు రాలేదు. ఇంత‌కాలానికి మ‌ళ్లీ ఆమెకు ఓ తెలుగు సినిమా ఆఫ‌ర్ వ‌చ్చింది. త్వ‌ర‌లోనే సాయేషా.. రాజ్ త‌రుణ్‌తో ఓ సినిమా చేయ‌బోతున్న‌ట్టు టాక్‌. రాజ్ త‌రుణ్ క‌థానాయ‌కుడిగా ఏకే ఎంట‌ర్‌టైన్‌మెంట్స్ సంస్థ ఓ చిత్రాన్ని నిర్మిస్తోంది. ఇందులో క‌థానాయిక‌గా సాయేషాని ఎంచుకొన్న‌ట్టు స‌మాచారం. ఈ సినిమాతో అయినా. సాయేషా కెరీర్ మ‌లుపు తిరుగుతుందేమో చూడాలి. అన్న‌ట్టు అనీషా ఆంబ్రోస్ కూడా రాజ్ త‌రుణ్ ప‌క్క‌న క‌థానాయిక‌గా న‌టించే ఛాన్స్ ఉంద‌ట‌. మ‌రి అది ఏ సినిమా కోస‌మో చూడాలి. క‌థ‌ల‌తో పాటు కాస్త క్రేజ్ ఉన్న క‌థానాయిక‌ల్ని బాగా వెదికి ప‌ట్టుకొంటున్నాడు రాజ్ త‌రుణ్‌. త‌న స‌క్సెస్‌లో ఇది కూడా ఓ భాగ‌మే అనుకోవాలి.