క‌థానాయ‌కుడిగా ముఫ్ఫై ఏళ్ల సుదీర్ఘ ప్ర‌యాణం వెంక‌టేష్‌ది. ఈ జ‌ర్నీలో ఆణిముత్యాల్లాంటి సినిమాలెన్నో వెంకటేష్ కెరీర్‌లో ఉన్నాయి. ఉత్త‌మ న‌టుడిగానూ నంది అవార్డులు సొంతం చేసుకొన్నాడు. మినిమం గ్యారెంటీ హీరోగా పేరు తెచ్చుకొన్నాడు. అయితే వెంకీ కెరీర్ ఈమ‌ధ్య కాస్త స్లో అయ్యింది. గోపాల గోపాల త‌ర‌వాత సినిమా మొద‌లెట్ట‌డానికి చాలా టైమ్ తీసుకొన్నాడు. నిజానికి వెంకీ సినిమాల‌కు దూరం అవుదామ‌నుకొన్నాడ‌ట. ఈ విష‌యాన్ని వెంకటేష్ స్వ‌యంగా చెప్పుకొచ్చాడు. వెంకటేష్ క‌థానాయ‌కుడిగా న‌టించిన తాజా చిత్రం… బాబు బంగారం ఆడియో ఈరోజు (ఆదివారం) రాత్రి హైద‌రాబాద్ లోని శిల్ప‌క‌ళావేదిక‌లో ఘ‌నంగా జ‌రిగింది. ఈ సంద‌ర్భంగా వెంకటేష్ మాట్లాడుతూ ”సినిమాల్ని మెల్లిగా త‌గ్గించేద్దాం అనుకొన్నా. అలాంట‌ప్పుడు మారుతి నాతో ఈ సినిమా తీశాడు. పాట‌లు చూస్తుంటే ప‌దిహేనేళ్లు త‌గ్గిపోయాయ‌నిపిస్తోంది. మ‌రో ప‌దేళ్లో ప‌దిహేనేళ్లో న‌టిస్తా. మా అబ్బాయి అర్జున్ వ‌చ్చేంత వ‌ర‌కూ న‌టిస్తూనే ఉంటా” అంటూ అభిమానులకు కావ‌ల్సినంత బూస్ట‌ప్ ఇచ్చాడు వెంకటేష్. ఈ సినిమాపై వెంకీ చాలా న‌మ్మ‌కం పెట్టుకొన్నాడు. ప్రేమించుకొందాం రా, నువ్వు నాకు నచ్చావ్ స్థాయిలో ఈ సినిమా విజ‌య‌వంత‌మ‌వుతుంద‌న్న ఆశాభావం వ్య‌క్తం చేశాడు.
వెంకీ సినిమాలు మానేద్దామ‌నుకొన్నాడా?
