తిక్క‌లో స్పెష‌ల్ ఎట్రాక్ష‌న్లు చేరుతున్నాయి. సాయిధ‌ర‌మ్ తేజ్ క‌థానాయ‌కుడిగా న‌టించిన ఈ చిత్రం కోసం ఇటీవ‌లే ధ‌నుష్ ఓ పాట పాడాడు. ఇప్పుడు మ‌రో త‌మిళ క‌థానాయ‌కుడు క‌మ్ సింగర్ శింబు కూడా ఓ పాట పాడేశాడు. దాంతో ఒకే సినిమాలో ఇద్ద‌రు త‌మిళ క‌థానాయ‌కులు పాట‌లు పాడిన సినిమాగా తిక్క‌… రికార్డు సృష్టించింది. శింబు, ధ‌నుష్‌లు పాడిన పాట‌లు ఈ సినిమాకి హైలెట్ అవుతాయ‌ని చిత్ర‌బృందం చెబుతోంది. ఇప్ప‌టికే చిత్రీక‌ర‌ణ పూర్తి చేసుకొన్న ఈ చిత్రం త్వ‌ర‌లోనే ఆడియో ఫంక్ష‌న్ జ‌రుపుకోనుంది. ఈ కార్య‌క్ర‌మానికి శింబు కూడా వ‌స్తాడ‌ని టాక్‌. ధ‌నుష్ కోసం విప‌రీతంగా ప్ర‌య‌త్నించినా… ధ‌నుష్ ఈ కార్య‌క్ర‌మానికి రావ‌డం లేద‌ని తెలుస్తోంది. మెగా హీరోల అటెండెన్స్ మామూలే.

తిక్క‌కు సంబంధించిన బిజినెస్ కూడా మెల్లిమెల్లిగా మొద‌లైంది. అయితే సుప్రీమ్‌కి ఉన్న డిమాండ్ ఈ తిక్క‌కు లేద‌ని మార్కెట్ వ‌ర్గాలు చెబుతున్నాయి. పాట‌లు బ‌య‌ట‌కు వ‌చ్చి, థియేట‌రిక‌ల్ ట్రైల‌ర్ చూశాక బ‌య్య‌ర్లు ఎగ‌బ‌డ‌తారేమో చూడాలి. దానికి తోడు.. ఈసినిమాకి విప‌రీతంగా ఖ‌ర్చుపెట్టేశార‌ట‌. సాయిధ‌ర‌మ్ మార్కెట్‌ని మించి ఖ‌ర్చు చేశార‌ని, ఈ సినిమా సూప‌ర్ హిట్ట‌యినా ఆ మొత్తం రాబ‌ట్టుకోవ‌డం క‌ష్ట‌మ‌ని ట్రేడ్ వ‌ర్గాలు విశ్లేషిస్తున్నాయి.