బాహుబ‌లి త‌ర‌వాత జోరు పెంచాల‌ని ప్ర‌భాస్ డిసైడ్ అయిపోయాడు. ఇప్ప‌టికే క‌థ‌ల్ని లాక్ చేసేస్తున్నాడు. సుజిత్ చెప్పిన క‌థ‌కి ప్ర‌భాస్ ఓకే చెప్పిన సంగ‌తి తెలిసిందే. సెప్టెంబ‌రులో ఈచిత్రం సెట్స్ పైకి వెళ్తుంది. ఆ త‌ర‌వాత జిల్ ద‌ర్శ‌కుడు రాధాకృష్ణ‌తో ప్ర‌భాస్ ఓ సినిమా చేయ‌బోతున్నాడు. ఆల్రెడీ క‌థ కూడా సిద్ధ‌మైపోయింది. 2017 ప్ర‌ధ‌మార్థంలో ఈ సినిమా సెట్స్‌పైకి వెళ్ల‌నుంది. ఈ సినిమా కాన్సెప్ట్ వైవిధ్యంగా ఉండ‌బోతోంద‌ట‌. ఇది హ‌స్త సాముద్రికం నేప‌థ్యంలో సాగే క‌థ అని తెలుస్తోంది. చేయి చూసి హీరో జాత‌కాలు చెప్పేస్తుంటాడట‌. అవ‌న్నీ నిజం అవుతుంటాయ‌ట‌. ఆ విద్య వ‌ల్ల క‌థానాయ‌కుడి జీవితం ఎలాంటి మ‌లుపులు తిరిగింద‌న్న‌దే ఈ సినిమా. ఈ కాన్సెప్ట్ చంద్ర‌శేఖ‌ర్ యేలేటిది అని తెలిసింది. రాధాకృష్ణ పూర్తి స్థాయి స్క్రిప్టుగా తీర్చిదిద్దాడ‌ట‌. ఈ కాన్సెప్ట్ కి చ‌క్క‌టి ల‌వ్ స్టోరీ, థ్రిల్లింగ్ మూమెంట్స్ జోడించార‌ని తెల‌స్తోంది. మొత్తానికి ఓ కొత్త కాన్సెప్ట్‌ని క‌మ‌ర్షియ‌ల్ దారిలో చెప్ప‌బోతున్నార‌న్న‌మాట‌. జిల్‌తో పాస్ మార్కులు ద‌క్కించుకొన్న రాధాకృష్ణ‌.. ఈసారి ఎలాగైనా భారీ హిట్ కొట్టాల‌ని చూస్తున్నాడు. ప్ర‌భాస్ సినిమాతో ఆ క‌ల నిజం అవుతుందేమో చూడాలి.