మోక్ష‌జ్ఞ ఎంట్రీ ఎప్పుడు?? నంద‌మూరి ఫ్యాన్స్ మ‌దిని నిత్యం తొలిచే ప్ర‌శ్న ఇదే. ఇప్పుడు బాల‌య్య ఈ ప్ర‌శ్న‌కు స‌మాధానం చెప్పేశాడు. మోక్ష‌జ్ఞ ఎంట్రీ వ‌చ్చే యేడాదే అని క్లారిటీ ఇచ్చాడు. పుష్క‌ల స్నానాల కోసం బాల‌య్య విజ‌య‌వాడ వెళ్లాడు. అక్క‌డ ఓ న్యూస్ ఛాన‌ల్‌తోమాట్లాడుతూ త‌న 100వ సినిమా సంగ‌తుల్ని, మోక్ష‌జ్ఞ ఎంట్రీ విశేషాల్నీ పంచుకొన్నాడు. ఈ సంద‌ర్భంగా బాల‌య్య మాట్లాడుతూ ”నా వందో సినిమా 40 శాతం పూర్త‌యిపోయిది. తెలుగువారి ఘ‌న కీర్తిని ద‌శ‌దిశ‌లా చాటిన మ‌హ చ‌క్ర‌వ‌ర్తి గౌత‌మి పుత్ర శాత‌క‌ర్ణి క‌థ‌ని సినిమాగా మ‌ల‌చ‌డం ఆనందంగా ఉంది” అన్నాడు.

మోక్ష‌జ్ఞ గురించి ప్ర‌స్తావిస్తూ. “ప్ర‌స్తుతం చ‌దువుకొంటున్నాడు. వ‌చ్చే యేడాది త‌న అరంగేట్రం ఉంటుంది. చ‌దువు మ‌నిషికి చాలా ముఖ్యం. మానాన్న‌గారు కూడా ”చ‌దువుకొన్న త‌ర‌వాతే సినిమాల్లోకి రండి” అన్నారు. అలా నేను బిఏ చేశా.

ఆ స‌మ‌యంలోనే చ‌రిత్ర‌, సాహిత్యంపై అవ‌గాహ‌న ప్రేమ క‌లిగింది. మోక్ష‌జ్ఞ కూడా చ‌దువు పూర్త‌య్యాకే సినిమాల్లోకి వ‌స్తే బాగుంటుంద‌న్న‌ది నా ఆలోచ‌న‌. అదే చెప్పా..” అంటున్నారు బాల‌య్య‌. సో.. మోక్ష‌జ్ఞ ఎంట్రీ 2017 లో ఖాయం అన్న‌ది ఖాయ‌మ‌న్న‌మాట‌.