చిరంజీవి 150వ సినిమా క‌థ కోసం ఎంత క‌స‌ర‌త్తు చేశారో.. క‌థానాయిక కోసం కూడా అంతే చేశారు. బాలీవుడ్ భామ‌ల్నీ డౌన్‌లోడ్ చేద్దామ‌నుకొన్నారు. న‌య‌న తార కోసం తెగ ట్రై చేశారు. అయితే ఎవ్వ‌రూ దొర‌క్క.. ఫ్లాపుల్లో ఉన్న కాజ‌ల్ దిక్క‌య్యింది. చిరు పక్కన కాజ‌ల్ అన‌గానే ఫ్యాన్స్ కాస్త క‌ల‌వ‌ర‌ప‌డ్డారు. ‘ఐరెన్ లెగ్ వ‌చ్చిందేంటి?’ అని కంగారు ప‌డ్డారు. దానికి తోడు కాజ‌ల్ స‌ర్దార్ గ‌బ్బ‌ర్ సింగ్‌, బ్ర‌హ్మోత్స‌వం లాంటి క్లాసిక్ ఫ్లాప్స్ ఇచ్చింది. పైగా రామ్ చ‌ర‌ణ్‌, బ‌న్నీ, పవన్ లాంటి మెగా హీరోల పక్కన న‌టించి, ఇప్పుడు చిరుతో అంటే… కాంబినేష‌న్ సెట్ట‌వుతుందా, చూడ‌గ‌లుగుతామా అనే అనుమానాలు నెల‌కొన్నాయి. ఇవ‌న్నీ ఇప్పుడు నిజం కాబోతున్నాయా?? అనిపిస్తోంది. ఖైదీ నెం.150 లేటెస్ట్ స్టిల్స్ చూస్తుంటే.
ఖైదీ నెం.150కి సంబంధించిన ఒక్కో స్టిల్లూ ఇప్పుడు బ‌య‌ట‌కు వ‌స్తోంది. ఇది వ‌ర‌కు చిరు సోలో పోజుల‌కే ప‌రిమిత‌మైనా.. ఇప్పుడు చిరు, కాజ‌ల్ జోడీల‌కు సంబంధించిన పిక్స్ సోష‌ల్ నెట్ వ‌ర్కింగ్ సైట్ల‌లో హ‌ల్ చ‌ల్ చేస్తున్నాయి. ఆ ఫొటోలు చిరు అభిమానుల‌కు సంతోషాన్నిస్తున్నా.. లోలోప‌ల త‌మ అనుమానాలు బ‌లప‌డే సూచ‌న‌లు క‌నిపిస్తుండ‌డంతో భ‌య‌ప‌డుతున్నారు. ఎంత మేక‌ప్పుల‌తో ట్రిక్కులు చేసినా.. చిరులోని ఏజ్ బారుత‌నం క‌నిపిస్తూనేఉంది. బుగ్గ‌లు బాగా వ‌చ్చేశాయి. దానికి తోడు కాజ‌ల్ పక్కన చిరుని చూస్తుంటే ఆ ఏజ్ గ్యాప్ క‌నిపిస్తోంది. అనుష్క, న‌య‌న లాంటి బొద్దు భామ‌లైతే చిరు పక్కన సెట్ అయిపోదురు. కాజ‌ల్ కాస్త హార్డ్ కాంబినేష‌న్‌లానే ఉంది. ఫొటోలకే ఇలా ఉంటే.. రెప్పొద్దుట వాళ్లిద్ద‌రూ జాయింటుగా స్టెప్పులేస్తే చూడ‌గ‌ల‌మా? అనే సందేహాలు నెల‌కొన్నాయి. అయితే చిత్ర‌బృందం మాత్రం.. ”చిరు, కాజ‌ల్ ల కాంబినేష‌న్ హైలెట్‌. వాళ్లిద్ద‌రి మధ్య వ‌చ్చే స‌న్నివేశాలు గిలిగింత‌లు పెట్టించ‌డం ఖాయం ” అంటున్నాయి. మ‌రి ఏం జ‌రుగుతుందో చూడాలి.
