ఎన్టీఆర్, బాబీ కాంబినేషన్‌లో కళ్యాణ్ రామ్ నిర్మాతగా ఓ సినిమా తెరకెక్కుతున్న విషయం తెలిసిందే. ఈ సినిమాకు సంబంధించిన ఫస్ట్ టైటిల్ బయటకు వచ్చింది. ఫస్ట్ టైటిల్ ఏంటి? అని ఆలోచిస్తున్నారా? సోషల్ మీడియా బాగా పాపులర్ అయ్యాక వచ్చిన కొత్త ట్రెండ్ ఇదే కదా. పెద్ద హీరో, పాపులర్ డైరెక్టర్, భారీ బడ్జెట్ సినిమాలు అనౌన్స్ చేసిన నెక్ట్స్ డే నుంచే టైటిల్స్ బయటకు వస్తూ ఉంటాయి. అందరూ రకరకాల టైటిల్స్ అనుకోవడం, ఆ టైటిల్‌ని బేస్ చేసుకుని ఎవరికి తోచిన కథను వాళ్ళు అనేసుకోవడం లాంటి తిప్పలన్నీ ఎందుకని చెప్పి క్రిష్ లాంటి టాలెంటెడ్ అండ్ సెన్సిబుల్ డైరెక్టర్స్ అందరూ కూడా ముందే టైటిల్ ఏంటో చెప్పేస్తున్నారు. అలా గౌతమీ పుత్ర శాతకర్ణి టైటిల్ ముందే తెలిసిపోయింది, ఊహాగానాలకు చాన్స్ లేకుండా పోయింది. కానీ చిరంజీవి 150వ సినిమాకు మాత్రం పదికి పైనే టైటిల్స్ వినిపించాయి. మహేష్-మురుగదాస్ కాంబినేషన్‌లో తెరకెక్కుతున్న సినిమాకు కూడా అన్నే సంఖ్యలో టైటిల్స్ వినిపించాయి. పవన్ కళ్యాణ్ సినిమా టైటిల్స్ కథ కూడా సేం టు సేం.

ఇప్పుడు ఎన్టీఆర్ సినిమాకు కూడా అలాంటి ట్రెండే స్టార్ట్ అయింది. ఈ సినిమాలో ఎన్టీఆర్ మూడు క్యారెక్టర్స్ ప్లే చేస్తున్నారన్న విషయం బయటకు వచ్చింది. ముగ్గురు ఎన్టీఆర్‌లకు జతగా ముగ్గురు హీరోయిన్స్ అండ్ బోనస్‌గా హాట్ హాట్ ఐటెం సాంగ్‌లో నాలుగో భామ కూడా కనిపిస్తుందని వార్తలు వచ్చాయి. ఇప్పుడిక ఈ సినిమా టైటిల్‌కి సంబంధించిన ఫస్ట్ ఊహాజనిత టైటిల్ వచ్చిసింది. ‘నట విశ్వరూపం’….ఇదే ఆ టైటిల్. ఆల్రెడీ విశ్వరూపం పేరుతో కమల్ హాసన్ విశ్వరూపాన్ని చూస్తున్నాం. ఇప్పుడిక ఎన్టీఆర్ నటవిశ్వరూపాన్ని చూడబోతున్నామా? ఆ…..మరీ అంత సీరియస్‌గా తీసుకోకండి. అదేదో సినిమాలో హీరోగారు గాసిప్స్ అంటే ఇష్టం అని చెప్తాడు. అలా ఇలాంటివాటిని కూడా ఎంటర్టైన్మెంట్‌గా తీసుకోవాలంతే. ఏ మాటకామాట….టైటిల్ మాత్రం ఎన్టీఆర్‌కి తగ్గట్టుగానే ఉంది. ఈ టైటిల్ నిజమో కాదో తెలియాలంటే మాత్రం ఇంకా చాలా కాలమే వెయిట్ చెయ్యాలేమో.