గుండెజారి గ‌ల్లంత‌య్యిందే సినిమాతో ఆక‌ట్టుకొన్న ద‌ర్శ‌కుడు కొండా విజయ్ కుమార్‌. ఆ త‌ర‌వాత నాగ చైత‌న్య‌తో తెర‌కెక్కించిన ఒక లైలా కోసం సినిమా ఫ్లాప్ అయ్యింది. దాంతో విజ‌య్‌కు గ్యాప్ వ‌చ్చేసింది. చాలామంది హీరోల‌కు క‌థ‌లు వినిపించినా వ‌ర్క‌వుట్ కాలేదు. నితిన్ కూడా ఛాన్స్ ఇచ్చినట్టే ఇచ్చి డ్రాప్ అయిపోయాడు. దాంతో విజ‌య్ వ‌న్ సినిమా వండ‌ర్‌గానే మిగిలిపోతాడేమో అనిపించింది. అయితే.. ఇప్పుడు ఓ యువ‌హీరోతో కొండా విజ‌య్ జ‌ట్టు క‌ట్ట‌బోతున్న‌ట్టు టాక్‌. త‌నే..రాజ్ త‌రుణ్‌. ఈమ‌ధ్యే కిట్టు ఉన్నాడు జాగ్ర‌త్త‌తో ఓ డీసెంట్ హిట్ అందుకొన్నాడు రాజ్ త‌రుణ్‌. ప్ర‌స్తుతం అంధ‌గాడు సినిమాతో బిజీగా ఉన్నాడు. ఆ సినిమా సెట్స్‌పై ఉండ‌గానే.. కొండాతో సినిమాని ప‌ట్టాలెక్కించేయాల‌ని డిసైడ్ అయ్యాడ‌ట‌. పీవీపీ సినిమా సంస్థ ఈ చిత్రాన్ని తెర‌కెక్కించే అవ‌కాశాలున్నాయ‌ని తెలుస్తోంది. ఇదీ.. ఓ వినూత్న‌మైన ప్రేమ‌క‌థ అని, ఇద్ద‌రు క‌థానాయిక‌ల‌కు చోటుంద‌ని స‌మాచారం. పూర్తి వివ‌రాలు త్వ‌ర‌లో తెలుస్తాయి.