నాగార్జున ‘సోగ్గాడే చిన్నినాయన’లో… హాట్ హాట్ గా ముస్తాబై వెండితెర ముందుకు వ‌చ్చింది ‘జ‌బ‌ర్‌ద‌స్త్’ అనసూయ. అయితే అది చెప్పుకునే అంత పాత్ర కాదు. కాని సినిమా హిట్. ఆ త‌ర‌వాత క్ష‌ణంలో సీరియ‌స్ గా సాగే పాత్ర‌లో క‌నిపించింది. ఆ సినిమా కూడా హిట్టే. దాంతో రెండు హిట్ సినిమాల్లో కనిపించిన క్రెడిట్ ఆమెకు దక్కింది. క్షణం తర్వాత ఆమె నుండి మరో సినిమా రాలేదు. అయితే మొన్న సాయి ధరమ్ తేజ్ విన్నర్ ఓ ఐటెం పాటలో మెరిసింది అనసూయ. ఇప్పుడు మరో మెగా ఆఫర్ కొట్టేసింది.
రామ్ చరణ్ హీరోగా సుకుమార్ దర్శకత్వంలో రూపొందుతున్న చిత్రంలో అనసూయను ఎంపిక చేసిన సంగతి తెలిసిందే. అయితే ఇది ఐటెం సాంగ్ కోసమని ప్రచారం జరిగింది. ఇప్పుడు దీనిపై యూనిట్ క్లారిటీ ఇచ్చింది. ఈ సినిమా మొత్తం అనసూయ కనిపిస్తుందని, అమెది ఐటెం రోల్ కాదని, కధలో చాలా కీలక పాత్రని స్పష్టంచేసింది. పల్లెటూరి నేపధ్యంలో సాగనున్న చిత్రమిది. చరణ్ కు జోడీగా సమంత నటిస్తోంది. ఇప్పటికే ఒక షెడ్యుల్ పూర్తి కావస్తోంది. మైత్రీ మూవీ మేకర్స్ బ్యానర్ పై రూపొందుతున్న ఈ చిత్రానికి దేవిశ్రీ ప్రసాద్ మ్యూజిక్.
