పవర్ స్టార్ పవన్ కళ్యాణ్ కొత్త సినిమా సెట్స్ పైకి వెళ్ళిపోయింది. త్రివిక్రమ్ శ్రీనివాస్ దర్శకత్వంలో తెరకెక్కుతున్న ఈ చిత్రం ప్రస్తుతం రామోజీ ఫిలిం సిటీలో వేసిన భారీ సెట్టింగ్‌లో షూటింగ్ జరుపుకుటుంది.

తాజాగా ఈ చిత్రంలో విలన్ ఫైనల్ అయ్యాడు. పవన్ కళ్యాణ్ కు సరైన విలన్ కోసం అన్వేషించిన త్రివిక్రమ్.. మొదట బాలీవుడ్ నటుడు సోను సూద్ ను అనుకున్నాడు. త్రివిక్రమ్ జులాయిలో విలన్ గా కనిపించాడు సోను. మళ్ళీ సోనునే తీసుకోవాలని అనుకున్నాడు త్రివిక్రమ్. మరి ఏమైందో కాని ఇప్పుడు సోను స్థానంలోకి ఆది పినిశెట్టి వచ్చాడు. హీరోగా ఎంట్రీ ఇచ్చిన ఆది, అల్లు అర్జున్ సరైనోడు తో విలన్ కూడా మారిన సంగతి తెలిసిందే. ఇప్పుడు పవన్ కళ్యాణ్ సినిమాలో కూడా ఆదినే విలన్ గా ఖాయం చేసుకున్నారు.

‘అత్తారింటికి దారేది’ తర్వాత పవన్‌కల్యాణ్‌, త్రివిక్రమ్‌ కలయికలో వస్తున్న ఈ చిత్రంపై భారీ అంచనాలు నెలకొన్నాయి. హారిక-హాసిని క్రియేషన్స్ బేనర్లో ఎస్.రాధాకృష్ణ ఈ చిత్రాన్ని నిర్మిస్తున్నారు. ఈ సినిమాలో కీర్తి సురేష్, అను ఇమ్మాన్యుయెల్ హీరోయిన్స్ . చిత్రానికి అనిరుధ్‌ మ్యూజిక్. తెలుగులో ఆయనికి ఇదే తొలి చిత్రం.