నాగ్ కెరీర్‌లో మ‌ర్చిపోలేని సినిమా.. నిన్నే పెళ్లాడ‌తా. నాగ్ ఎంత బాగా చేశాడో.. ట‌బు అంత‌లా ఆక‌ట్టుకొంది. పండు… అంటూ అమ్మాయిల్ని ముద్దుగా పిల‌వ‌డం నిన్నే పెళ్లాడ‌తాతో స్టార్ అయ్యిందంటే అతిశ‌యోక్తి కాదు. నిన్నే పెళ్లాడ‌తాలాంటి క‌థ కోసం నాగ‌చైన‌త్య ఎప్ప‌టి నుంచో ఎదురుచూస్తున్నాడు. అలాంటి క‌థ‌తో క‌ల్యాణ్ కృష్ణ తెర‌కెక్కిస్తున్న చిత్రం ‘రారండోయ్ వేడుక చూద్దాం’. ఈ సినిమా ‘నిన్నే పెళ్లాడ‌తా’ ఫ్లేవ‌ర్‌లో ఉంటుంద‌ని నాగ్ ముందు నుంచీ చెబుతున్నాడు. ఆసినిమాలో ట‌బు క్యారెక్ట‌ర్ ఎంత ప్ల‌స్ అయ్యిందో, ఇప్పుడు ఈ సినిమాలో ర‌కుల్ ప్రీత్ సింగ్ క్యారెక్ట‌ర్ అంత ప్ల‌ప్ అవుతుంద‌ట‌. ఇంత‌కీ ఆ క్యారెక్ట‌ర్ పేరేంటో తెలుసా…? ‘భ్ర‌మ‌రాంబ‌’.

ప‌క్కా ప‌ల్లెటూరి పిల్ల పాత్ర‌లో ర‌కుల్ క‌నిపించ‌నుంద‌ని, చైతూతో ర‌కుల్ కెమిస్ట్రీ ఈసినిమాకి ప్ర‌ధాన ఆక‌ర్ష‌ణ అని చిత్ర‌బృందం చెబుతోంది. ర‌కుల్ కూడా అదే న‌మ్మ‌కంతో ఉంది. ”నా కెరీర్‌లో ఇది చాలా ముఖ్య‌మైన సినిమా. ఇలాంటి పాత్ర కోసం ఎంతో కాలంగా ఎదురుచూస్తున్నా..” అంటూ ముచ్చ‌ట‌ప‌డిపోతోంది. చైతూ క్యారెక్ట‌ర్ కంటే.. ర‌కుల్ పాత్ర‌పైనే ద‌ర్శ‌కుడు ఎక్కువ ఫోక‌స్‌పెట్టాడ‌ని, చాలాసార్లు ర‌కుల్ పాత్ర చైతూని డామినేట్ చేసేస్తుంద‌ని ఇన్ సైడ్ వ‌ర్గాలు చెబుతున్నాయి. ఈ డామినేష‌న్లు చైతూకి కూడా బాగానే వ‌ర్క‌వుట్ అయ్యాయి. 100 % ల‌వ్‌లో త‌మ‌న్నా డామినేట్ చేసింది.. ఆ సినిమా హిట్ అయ్యింది.. అంత‌కు ముందు ఏం మాయ చేశావెలో స‌మంత డామినేష‌న్ క‌నిపించింది. ఆసినిమా కూడా హిట్ట‌యిపోయింది. అలా… ఇప్పుడూ వ‌ర్క‌వుట్ అయిపోతుందేమో చూడాలి.