అల్లు అర్జున్ క‌థానాయ‌కుడిగా న‌టిస్తున్న చిత్రం దువ్వాడ జ‌గ‌న్నాథ‌మ్. హ‌రీష్ శంక‌ర్ ద‌ర్శ‌క‌త్వం వ‌హిస్తున్న ఈ చిత్రానికి దిల్‌రాజు నిర్మాత‌. వేస‌విలో ఈ చిత్రాన్ని విడుద‌ల చేయాల‌ని చిత్ర‌బృందం ముందే ఫిక్స‌య్యింది. ఇప్పుడు రిలీజ్ డేట్ కూడా వ‌చ్చేసింది. జూన్ 23న ఈ చిత్రాన్ని విడుద‌ల చేయ‌నున్నారు. నిజానికి మేలోనే ఈ సినిమా రావాల్సింది. ఏప్రిల్ 28న‌ బాహుబ‌లి విడుదల అవుతోంది. ఈ ఎఫెక్ట్ త‌గ్గ‌డానికి క‌నీసం 15 రోజులైనా ప‌డుతుంది. అందుకే మే చివ‌రి వారంలో డీజేని విడుద‌ల చేద్దామ‌నుకొన్నారు. అయితే చిత్రీక‌ర‌ణ ఆల‌స్యం అవ్వ‌డంతో జూన్ కి ఫిఫ్ట్ అయ్యింది. మ‌హేష్ స్పైడ‌ర్‌నీ జూన్23నే విడుద‌ల చేద్దామ‌నుకొంటున్నారు. అయితే వీఎఫ్ఎక్స్ ప‌నుల జాప్యంతో మ‌హేష్ సినిమా ఆలస్యం కాబోతోంది. స్పైడ‌ర్ జులైలోగానీ, ఆగ‌స్టులోగానీ విడుదల అయ్యే అవ‌కాశాలున్నాయి. అందుకే డీజే రిలీజ్ డేట్‌ని ధైర్యంగా ప్ర‌క‌టించేశారు.