చూస్తుండ‌గానే నక్ష‌త్రం ఓ మినీ మల్టీస్టార‌ర్ అయిపోతోంది. ఇప్ప‌టికే ఈ సినిమాలో ముగ్గురు హీరోలున్నారు. సందీప్ కిష‌న్‌, సాయిధ‌ర‌మ్ తేజ్‌, త‌నీష్ కీల‌క పాత్ర‌లు పోషిస్తున్నారు. వీళ్ల‌తో పాటు ముగ్గురు హీరోయిన్లు క‌నిపిస్తున్నారు. రాశీఖ‌న్నా, రెజీనా, ప్ర‌గ్యా జైస్వాల్‌ల‌తో గ్లామ‌ర్ నింపేశారు. ఇప్పుడు మ‌రో హీరోయిన్ వ‌చ్చి చేరింది. త‌నే శ్రియ. ఈ సినిమాలో శ్రియ ఓ ఐటెమ్ పాట చేయ‌బోతోంది. శ్రియ సెకండ్ ఇన్నింగ్స్ కాస్త బాగానే గిట్టుబాటు అవుతున్న‌ట్టు క‌నిపిస్తోంది. గోపాల గోపాల త‌ర‌వాత, గౌత‌మి పుత్ర శాత‌క‌ర్ణిలో అవ‌కాశం అందుకొంది. ఇప్పుడు నంద‌మూరి బాలృష్ణ – పూరి జ‌గ‌న్నాథ్ కాంబోలో హీరోయిన్‌గా ఛాన్స్ కొట్టేసింది. ఈలోగా ఐటెమ్ గీతాన్ని ఒప్పుకొంది. ఈ పాట కోసం భారీ పారితోషిక‌మే ముట్ట‌జెబుతున్న‌ట్టు టాక్‌. ఈ వారమే ఈ ఐటెమ్ పాట‌ని తెర‌కెక్కించ‌బోతున్నారు. క‌థానాయిక‌ల్ని అందంగా చూపించ‌డంలో కృష్ణ‌వంశీకి ప్ర‌త్యేక స్థానం ఉంది. పైగా ఇప్పుడు ఐటెమ్ గీతం. ఆయ‌న మ‌రింత రెచ్చిపోవ‌డం ఖాయం.
న‌క్ష‌త్రంలో శ్రియ చిందులు
