ఇజం త‌ర‌వాత క‌ల్యాణ్ రామ్ నుంచి వ‌స్తున్న మ‌రో సినిమా ‘ఎం.ఎల్‌.ఏ’. – మంచి ల‌క్ష‌ణాలున్న అబ్బాయ్ అనేది ఉప‌శీర్షిక‌. ఉపేంద్ర మాధవ్ దర్శకత్వం వ‌హించే ఈ చిత్రంలో క‌థానాయిక‌గా కాజ‌ల్‌ని ఎంపిక చేశారు. ఇటీవ‌లే ఈ చిత్రం హైద‌రాబాద్‌లో లాంఛ‌నంగా మొద‌లైంది. జూన్ 9న రెగ్యుల‌ర్ షూటింగ్ ప్రారంభిస్తారు. ఈ యేడాది చివ‌ర్లో ప్రేక్ష‌కుల ముందుకు వ‌స్తుంది. “ఆధ్యంతం వినోదభరితం గా సాగే ఈ చిత్రం హీరో కళ్యాణ్ రామ్ కెరీర్ లో ఒక మంచి చిత్రం అవుతుంది అని నమ్ముతున్నాం. నూతన దర్శకుడు ఉపేంద్ర రాసుకున్న కథ చాలా ఫ్రెష్ గా ఉంది. జూన్ 9 నుండి షూటింగ్ ప్రారంభం అవుతుంది. ఈ సంవత్సరం చివరి భాగం లో ఈ చిత్రాన్ని విడుదల చేసేందుకు ప్లాన్ చేస్తున్నాం”, అని నిర్మాతలు తెలిపారు. ” టోటల్ న్యూ లుక్ లో ఎంతో స్టైలిష్ గా కళ్యాణ్ రామ్ గారు ఈ సినిమా లో కనపడతారు. నాకు డైరెక్షన్ ఛాన్స్ ఇచ్చిన కళ్యాణ్ గారి కి, చిత్ర నిర్మాతల కి కృతఘ్నతలు తెలుపుతున్నా. MLA అనే టైటిల్ కి, కాప్షన్ కి పూర్తి జస్టిఫికేషన్ ఉంటుంది”, అని దర్శకులు ఉపేంద్ర అన్నారు. మ‌ణిశర్మ ఈ చిత్రానికి సంగీతం అందిస్తున్నారు.