నంద‌మూరి బాల‌కృష్ణ దూకుడే.. దూకుడు. జ‌నం మ‌ధ్య ఆయ‌న బాడీ లాంగ్వేజ్ భ‌లే బాగుంటుంది. ఆయ‌న హుషారు చూస్తే… ”ఈ వ‌య‌సులోనే ఇలా ఉన్నారంటే..” అనాల‌నిపిస్తుంటుంది. సినిమా షూటింగుల్లో కూడా ఆయ‌న హంగామా క‌నిపిస్తుంటుంది. సాధార‌ణంగా డూప్‌ల‌తో ప‌ని కానిచ్చుకోవ‌డానికి ఇష్ట‌ప‌డ‌ని బాల‌య్య‌.. మ‌రోసారి అలాంటి రిస్కే చేసి ఔరా అనిపించారు. బాల‌కృష్ణ – పూరి జ‌గ‌న్నాథ్ కాంబినేష‌న్‌లో ఓ చిత్రం రూపుదిద్దుకొంటున్న సంగ‌తి తెలిసిందే. ప్రస్తుతం పోర్చుగ‌ల్‌లో షూటింగ్ జ‌రుగుతోంది. అక్క‌డ కూడా ఇలాంటి సాహ‌స‌మే చేశార‌ట బాల‌కృష్ణ‌. పోర్చుగ‌ల్ రాజ‌ధాని లిస్బ‌న్ లో ఆదివారం ఓ ఛేజ్ సీన్‌ను తెర‌కెక్కించారు. ఇందులో కార్‌ని డ్రిఫ్టింగ్ ప‌ద్ధ‌తిలో 360 డిగ్రీలు తిప్పే షాట్ ఒక‌టి ఉంద‌ట‌. ఈ షాట్‌ని వ‌రుస‌గా రెండుసార్లు బాల‌య్య డూప్ లేకుండా చేసేశాడ‌ట‌. స‌న్నివేశ ప్ర‌కారం బాల‌య్య పక్క‌న శ్రియ కూర్చుంది. బాల‌య్య డ్రైవింగ్‌కీ, ఆ రిస్కీ సీన్‌నీ చూసి శ్రియ షాకైపోయింద‌ట‌. శ్రియ‌నే కాదు, బాల‌య్య కమిట్‌మెంట్ చూసి యూనిట్ అంతా బిత్త‌ర‌పోయింద‌ట‌. జూన్ 10న బాల‌కృష్ణ‌ పుట్టిన‌రోజు. ఈ సంద‌ర్భంగా ఫ‌స్ట్ లుక్ రివీల్ చేసే అవ‌కాశం ఉంది. జూన్ 9 వ తారీఖు రాత్రి ఫేస్ బుక్‌లో బాలయ్య ఫ్యాన్స్‌తో లైవ్ చాట్ చేస్తాడ‌ట‌. ఆరోజు ఈ సినిమా టైటిల్ ఏంట‌న్న‌ది ఖ‌రారు చేసే అవ‌కాశాలున్నాయి.