ఆ మధ్య విక్టరీ వెంకటేష్ మాట్లాడుతూ.. ”త్రివిక్రమ్ శ్రీనివాస్ ఓ సర్ ప్రైజ్ ను ప్లాన్ చేస్తున్నారు. ఇదేంటో త్వరలోనే తెలుస్తుంది” అని ఓ ఇంట్రస్టింగ్ కామెంట్ చేశారు. అయితే ఇప్పుడా బిగ్ సర్ ప్రైజ్ ఏంటో తెలిసిపోయింది. పవన్ కళ్యాణ్ కొత్త సినిమాలో విక్టరీ వెంకటేష్ కనిపించబోతున్నారు. అవును.. నిజమే పవన్ కళ్యాణ్ త్రివిక్రమ్ సినిమా సినిమాలో ఓ కీలక పాత్ర పోషిస్తున్నారు వెంకటేష్. ఆయన షూటింగ్ లో కూడా జాయిన్ అయ్యారు. ప్రస్తుతం ఈ సినిమా షూటింగ్ సారధి స్టూడియో జరుగుతుంది. ఈ రోజు సెట్స్ లోకి వచ్చిన వెంకటేష్ పై కొన్ని సీన్లు తీశారు త్రివిక్రమ్. ఇది కాస్త గోప్యంగా వుంచాలని భావించారు. కానీ స్టూడియో నుంచి ఈ వార్త బయటికి వచ్చేసింది.
నిజంగా ఇది బిగ్ సర్ ప్రైజ్ నే. పవన్ కళ్యాణ్ – వెంకీ కలసి గోపాల గోపాల చేశారు. ఇప్పుడు మరోసారి అభిమానులను అలరించబోతున్నారన్నమాట. అన్నట్టు.. ఇక్కడ త్రివిక్రమ్ – వెంకటేష్ కాంబో గురించి చెప్పుకోవాలి. వెంకటేష్ కు నువ్వు నాకు నచ్చావు, మల్లీశ్వరి లాంటి అవుట్ అండ్ అవుట్ ఎంటర్ ట్రైనర్ సినిమాలు అందించిన రైటర్ త్రివిక్రమ్. వెంకీ టైమింగ్ అంటే త్రివిక్రమ్ కు చాలా ఇష్టం. వెంకీ – త్రివిక్రమ్ కాంబో కోసం సినీ జ‌నాలు ఎప్ప‌టి నుంచో ఆస‌క్తిగా ఎదురుచూస్తున్నారు. అయితే.. వెంకీ ఈమ‌ధ్య దూకుడు త‌గ్గించ‌డం, త్రివిక్రమ్ పెద్ద స్టార్ల‌తో క‌మిట్ అవ్వ‌డంతో.. ఆ కాంబో ప‌క్క‌కు వెళ్లిపోయింది. ఈ రూపంలో వెంకీ త‌న ముచ్చ‌ట తీర్చుకొంటున్నారేమో.
