సావిత్రి జీవిత క‌థ‌ని `మ‌హాన‌టి` పేరుతో తెర‌కెక్కిస్తున్న సంగ‌తి తెలిసిందే. మ‌హాన‌టిగా… కీర్తి సురేష్ క‌నిపించ‌బోతోంది. చిన్న సినిమాగా ప్ర‌య‌త్నం మొద‌లెనప్ప‌టికీ రాను రాను.. దీన్ని ఓ మ‌ల్టీస్టార‌ర్‌గా మ‌లిచే ప్ర‌య‌త్నం జ‌రుగుతోంది. మ‌రో కీల‌క‌మైన పాత్రలో సమంత ఎంపిక అవ్వ‌డం, అనుష్కకీ ఈ సినిమాలో స్థానం ఉంద‌ని చెబుతుండ‌డం, స‌ల్మాన్ దుల్క‌ర్ ఎంట్రీ ఈ సినిమాపై ఫోక‌స్ పెంచేస్తున్నాయి. తాజాగా మ‌హాన‌టుడు ఎన్టీఆర్ పాత్ర‌ని ఆయ‌న మ‌న‌వ‌డు.. జూ.ఎన్టీఆర్ పోషించ‌బోతున్న‌ట్టు వార్త‌లు వినిపిస్తున్నాయి. ఇప్పుడు మ‌రోటి బ‌య‌ట‌కు వ‌చ్చింది. ఎస్వీఆర్ పాత్ర‌లో మోహ‌న్ బాబు క‌నిపిస్తార‌ని ఆ వార్త‌ల సారాంశం.

ఈ విష‌యంపై చిత్ర‌బృందాన్ని ఆరా తీసింది తెలుగు 360.కామ్‌. ”ఎస్వీఆర్ పాత్ర‌లో మోహ‌న్ బాబు అయితే బాగుంటుంద‌నుకొంటున్నాం అంతే. అయితే ఈ విష‌య‌మై మోహ‌న్ బాబుగారిని మేం ఇంకా సంప్ర‌దించ‌నే లేదు. ఆయ‌న‌కు క‌థ కూడా చెప్ప‌లేదు. ఆయ‌న ఓ ఆప్ష‌న్ మాత్ర‌మే. ఎన్టీఆర్ న‌టిస్తున్నార‌న్న వార్త‌లు కూడా ఇలాంటివే. మేం ఏ న‌టుడ్నీ ఇంకా సంప్ర‌దించ‌నేలేదు” అని క్లారిటీ ఇచ్చేశాయి. సో… మ‌హాన‌టిలో ఎన్టీఆఆర్‌, మోహ‌న్ బాబు క‌నిపిస్తారా, లేదా? అనేది తెలియాలంటే ఇంకొంత కాలం ఓపిక ప‌ట్టాల్సిందే.