కొన్ని కొన్ని సినిమాలు టైటిల్ తోనే ఆస‌క్తి క‌లిగిస్తుంటాయి. ఇక టీజ‌ర్లు..ట్రైల‌ర్లు వ‌దిలితే ఎప్పుడెప్పుడు చూసేద్దామా అన్నంత ఆత్రుత మొద‌లైపోతుంది. అలాంటి ల‌క్ష‌ణాలు ‘లై’లో పుష్క‌లంగా క‌నిపించాయి. కాంబినేష‌న్ ప‌రంగా ఆస‌క్తిని రేకెత్తిస్తున్న చిత్రం ‘లై’. నితిన్ క‌థానాయ‌కుడు, అర్జున్ ప్ర‌తినాయ‌కుడు కావ‌డం, ‘లై’ అనే ఆస‌క్తిక‌ర‌మైన టైటిల్ పెట్ట‌డం… ఈ సినిమాపై ఫోక‌స్ పెరిగేలా చేశాయి. అందాల రాక్ష‌సి, కృష్ణ‌గాడి వీర‌ప్రేమ‌గాథ‌.. ఇలా డిఫ‌రెంట్ క‌థ‌లు తీసి, క్లాస్ ట‌చ్ ఇచ్చిన హ‌ను రాఘ‌వ‌పూడి.. మాస్ ఎలిమెంట్స్ ఉన్న సినిమాని ఎలా తీస్తాడా? అనే ఆస‌క్తి రేగింది. ‘లై’ టీజ‌ర్ చూస్తే.. మాత్రం షాకిచ్చేలా క‌నిపించింది. అబ‌ద్దం చుట్టూ న‌డిచే క‌థ ఇద‌ని.. టీజ‌ర్‌తో తేల్చేశాడు ద‌ర్శ‌కుడు. త‌న టేకింగ్‌, మేకింగ్ వాల్యూస్‌, టీజ‌ర్ లో వినిపించే డైలాగ్‌… ఇదంతా ఈసినిమా ఇంటెన్సిటీని బ‌య‌ట‌పెట్టేశాయి. ఆగ‌స్టు 11న లై విడుద‌ల అవుతోంది. ఆ రోజు కోసం ఈ రోజు నుంచే నిరీక్ష‌ణ ప్రారంభించే స్థాయిలో టీజ‌ర్‌ని క‌ట్ చేశారు. నితిన్ పాత్ర ఎంత కీల‌క‌మో.. అర్జున్ పాత్ర కూడా అంతే బ‌లంగా ఉంటుంద‌న్న సంగ‌తి లై టీజ‌ర్ తో అర్థ‌మైంది. ‘లై’ లైన్‌, టీజ‌ర్ అదిరిపోయాయి. ఇక సినిమా ఎలా ఉంటుందో చూడాలి.