https://www.youtube.com/watch?v=U0SrE_kMq2w
నాగ‌చైత‌న్య ప్రేమ క‌థ‌లు ఎంచుకొన్న‌ప్పుడ‌ల్లా… స‌క్సెస్ కొట్టాడు. యాక్ష‌న్ సినిమాల్ని ట్రై చేసి న‌ప్పుడే కాస్త తేడా కొట్టింది. అయితే ఆ ప్ర‌య‌త్నాలు మాత్రం ఆప‌డం లేదు. ఆర్‌.వి.మారి మ‌త్తు ద‌ర్శ‌క‌త్వం వహిస్తున్న ‘యుద్దం శ‌ర‌ణం’ కూడా ఓ యాక్ష‌న్ క‌థే. లావణ్య త్రిపాఠి క‌థానాయిక‌గా న‌టిస్తోంది. చిత్రీక‌ర‌ణ పూర్త‌య్యింది. ఆగ‌స్టులోనే విడుద‌ల చేస్తారు. ఈ సినిమాకి సంబంధించిన టీజ‌ర్ విడుద‌లైంది. యాక్ష‌న్ బొనాంజాకు సిద్ధం క‌మ్మంటు… ప్రేక్ష‌కుల‌కు సంకేతాలు పంపేశాడు చైతూ. టీజ‌ర్ మొత్తం.. సీరియెస్‌గా, ఎమోష‌న‌ల్‌గా సాగింది. ప్ర‌తీకార నేప‌థ్యంలో సాగే క‌థ అనే విష‌యం టీజ‌ర్ చూస్తే అర్థం అవుతోంది. ఆఖ‌ర్లో క‌నిపించిన శ్రీ‌కాంత్ నిజంగా షాక్ ఇచ్చాడు. శ్రీ‌కాంత్ లుక్‌.. కొత్త‌గా ఉంది. ఈసినిమాలో శ్రీ‌కాంత్ ప్ర‌తినాయ‌కుడిగా క‌నిపించ‌బోతున్న సంగ‌తి తెలిసిందే. శ్రీ‌కాంత్ క్యారెక్ట‌ర్ ఎంత బాగా పండితే… అంత మంచి విజ‌యం సాధిస్తుంద‌న్న న‌మ్మ‌కాలు క‌లుగుతున్నాయి. క‌నీసం ఈ యాక్ష‌న్ డ్రామా అయినా… నాగ‌చైత‌న్య అనుకొన్న ఫ‌లితం ఇస్తుందేమో చూడాలి.
