నంద‌మూరి బాల‌కృష్ణ 102వ సినిమా ఈరోజు ప్రారంభమైంది. క‌థానాయిక‌గా న‌య‌న‌తార ఎప్పుడో ఓకే అయిపోయింది. అయితే ఈ సినిమాలో మ‌రో ఇద్ద‌రు క‌థానాయిక‌లున్నారు. ప్ర‌స్తుతం వాళ్ల కోసం అన్వేష‌ణ సాగుతోంది. సీనియ‌ర్ల కంటే కొత్త‌వారిని ఎంచుకోవాల‌ని చిత్ర‌బృందం భావిస్తోంద‌ని తెలుస్తోంది. బాల‌య్య ప‌క్క‌న ఇప్ప‌టి వ‌ర‌కూ చేయ‌ని క‌థానాయిక‌ల్ని ఎంచుకొంటార‌ట. ఓ క‌థానాయిక పోస్ట్ కేథరిన్‌కే అని విశ్వ‌స‌నీయ వ‌ర్గాల స‌మాచారం. ఈమ‌ధ్య కేథ‌రిన్ హ‌వా బాగా న‌డ‌స్తోంది. సినిమాలు ఆడినా ఆడ‌క‌పోయినా.. త‌న గ్లామ‌ర్‌తో మాస్‌ని మైమ‌ర‌పిస్తోంది కేథ‌రిన్‌. తాజాగా గౌత‌మ్ నంద‌లో బినికీలో హాట్ హాట్‌గా క‌నిపించింది. నేనే రాజు నేనే మంత్రిలోనూ ఓ కీ రోల్ చేసింది. బాలయ్య సినిమాలోనూ కేథ‌రిన్ క్యారెక్ట‌ర్ హాట్ హాట్‌గా ఉంటుంద‌ని తెలుస్తోంది. బాల‌య్య‌తో సినిమా అంటే కేథ‌రిన్ కెరీర్ ట‌ర్న్ అయిన‌ట్టే. మ‌రి మూడో హీరోయిన్‌గా ఎవ‌రిని ఎంపిక చేసుకొంటారో చూడాలి. ఈనెలాఖ‌రు వ‌ర‌కూ హైద‌రాబాద్లోనే షూటింగ్ జ‌ర‌గ‌బోతోంది. ఆ త‌ర‌వాత‌.. కంభ‌కోణంలో కీల‌క షెడ్యూల్ ఉంటుంది. చిరంతన్ భ‌ట్ ఈ చిత్రానికి సంగీతం అందిస్తున్నాడు.