టెంప‌ర్ నుంచి త‌న క‌థ‌ల ఎంపిక‌లో, గెట‌ప్పుల్లో మార్పులు చూపిస్తున్నాడు ఎన్టీఆర్‌. అందుకే సినిమా సినిమాకీ కొత్త ఎన్టీఆర్‌ని చూసే అవ‌కాశం ద‌క్కుతోంది. ఈసారి ఏకంగా మూడు పాత్ర‌ల‌తో అల‌రించ‌బోతున్నాడు… జై ల‌వ‌కుశ సినిమాతో. జై ఫ‌స్ట్ లుక్, టీజ‌ర్ ఇప్ప‌టికే హ‌ల్‌చ‌ల్ చేస్తున్నాయి. జై పాత్ర‌లో ఎన్టీఆర్ హావ‌భావాలు, మాట‌తీరు కూడా డిఫ‌రెంట్‌గా ఉన్నాయి. ఇప్పుడు ల‌వ కుమార్ ఫ‌స్ట్ లుక్ వ‌చ్చింది. ఇందులో అప‌ర బుద్దిమంతుడిగా క‌నిపిస్తున్నాడు. రాఖీ సంద‌ర్భంగా ల‌వ‌కుమార్ ఫ‌స్ట్ లుక్‌ని విడుద‌ల చేసింది చిత్ర‌బృందం. జై పాత్ర‌లో ఎంత ర‌ఫ్‌గా ఉన్నాడో.. ల‌వ‌కుమార్ లుక్‌లో అంత డీసెంట్‌గా క‌నిపిస్తున్నాడు. ఇక మూడో పాత్ర కుశాల్ ఎలా ఉండ‌బోతున్నాడో చూడాలి. చిత్రీక‌ర‌ణ శ‌ర‌వేగంగా జ‌రుపుకొంటున్న ల‌వ‌కుశ‌.. ద‌స‌రా సంద‌ర్భంగా ప్రేక్ష‌కుల ముందుకు రానుంది. బాబి ద‌ర్శ‌క‌త్వం వ‌హిస్తున్న ఈ చిత్రాన్ని క‌ల్యాణ్ రామ్ నిర్మిస్తున్న సంగ‌తి తెలిసిందే. దేవిశ్రీ ప్ర‌సాద్ సంగీతం అందిస్తున్నాడు.