`ప‌టేల్‌సార్‌` సినిమాపై జ‌గ‌ప‌తిబాబు చాలా ఆశ‌లు పెట్టుకొన్నాడు. ”ఈ సినిమా హిట్ అయితే నేను ఫీల్ అవుతా.. సూప‌ర్ హిట్ అవ్వాల్సిన సినిమా ఇది” అంటూ స్టేట్‌మెంట్ ఇచ్చాడు. హిట్ కాదు క‌దా, క‌నీసం యావ‌రేజ్ కూడా అవ్వ‌లేదు ఈ సినిమా. అయితే.. జ‌గ‌ప‌తిబాబు ఓవ‌ర్ కాన్ఫిడెన్స్ మాత్రం టాక్ ఆఫ్ ది టౌన్ అయ్యింది. ఈ సినిమాలో జ‌గ‌ప‌తిబాబు పెట్టుబ‌డి పెట్టాడ‌ని, అందుకే ఆ స్థాయిలోఇంట్రెస్ట్ చూపించాడ‌ని వార్త‌లొచ్చాయి. ప‌టేల్ సార్ ఫ్లాప్ త‌ర‌వాత‌… మ‌ళ్లీ మీడియా ముందుకు వ‌చ్చాడు జ‌గ్గూభాయ్. ”ఆ సినిమాపై ఆశ‌లు పెట్టుకొన్న మాట నిజ‌మే. కానీ… ఆ సినిమాలో నేనేం డ‌బ్బులు పెట్టలేదు. ప‌టేల్‌సార్ ఫ్లాప్ నిరుత్సాహ‌ప‌రిచింది. కానీ మంచి క‌థ అది. జ‌నాలు టైటిల్ చూసి హార‌ర్ , థ్రిల్ల‌ర్ అనుకొని ఏవేవో ఊహించుకొన్నారు. వాళ్లంతా బిరియానీ ఆశించి వ‌చ్చారు. మేం మీల్స్ పెట్టాం. పైగా విడుద‌ల తేదీ విష‌యంలో చాలా తొంద‌ర ప‌డ్డాం. హ‌డావుడిగా విడుద‌ల చేయ‌డం వ‌ల్ల‌.. అనుకొన్న ఫ‌లితం రాలేదు`”అని ‘ప‌టేల్ సార్ ‘పల్టీలు కొట్ట‌డానికి గ‌ల కార‌ణాలు విశ్లేషించాడు. ‘జ‌య జాన‌కి నాయ‌క‌’లో కీ రోల్ చేస్తున్నాడు జ‌గ్గూభాయ్‌. అఖిల్ సినిమాలోనూ… కీల‌క పాత్ర ద‌క్కింది. మ‌రి అందులో విల‌నా? లేదంటే అఖిల్‌కి నాన్న గా క‌నిపించ‌బోతున్నాడా?? అనేది చూడాలి.