ప‌వ‌న్ క‌ల్యాణ్ – త్రివిక్ర‌మ్ కాంబినేష‌న్‌లో హ్యాట్రిక్ సినిమా మొద‌లై చాలాకాల‌మైంది. అయితే ఈసినిమా టైటిల్ ఏంట‌న్న విష‌యంలో ఇప్ప‌టి వ‌ర‌కూ ఓ స్ప‌ష్ట‌త రాలేదు. సోష‌ల్ మీడియాలో నాలుగైదు టైటిళ్లు చ‌క్క‌ర్లు కొడుతున్నాయి. వాటిపై చిత్ర‌బృందం ఇప్ప‌టి వ‌ర‌కూ స్పందించ‌లేదు. ఇప్పుడు స‌రికొత్త‌గా మ‌రో టైటిల్ వ‌చ్చి చేరింది. అదే… ‘రాజు వ‌చ్చినాడు’. స్టార్ హీరోల‌కు సైతం కొత్త త‌ర‌హా టైటిళ్ల‌ను పెట్ట‌గ‌ల స‌మ‌ర్థుడు త్రివిక్ర‌మ్‌. టైటిల్‌… అందులోని శ్లాంగ్ చూస్తుంటే… ఈ టైటిల్ దాదాపుగా ఖ‌య‌మ‌య్యేట్టే క‌నిపిస్తోంది. ఆగ‌స్టు 15 సంద‌ర్భంగా ఈ చిత్రానికి సంబంధించిన ఫ‌స్ట్ లుక్ ఏమైనా బ‌య‌ట‌కు వ‌స్తుందేమో అని అభిమానులు ఆశించారు. కానీ.. అలాంటి గిఫ్ట్‌లు ఏమీ అందలేదు. సెప్టెంబ‌రు 2.. ప‌వ‌న్ పుట్టిన రోజు. అప్ప‌టి వ‌ర‌కూ… అభిమానుల్ని వెయిటింగ్‌లో పెట్టేయాల‌ని, ప‌వ‌న్ పుట్టిన రోజునే టైటిల్, ఫ‌స్ట్ లుక్ రివీల్ చేయాల‌ని భావిస్తున్నారేమో. అనిరుథ్ సంగీతం అందిస్తున్న ఈ చిత్రంలో కీర్తి సురేష్ క‌థానాయ‌కిగా న‌టిస్తోంది. 2018 సంక్రాంతికి ఈ చిత్రాన్ని ప్రేక్ష‌కుల ముందుకు తీసుకొస్తారు. మ‌రి.. `రాజు వ‌చ్చినాడు` టైటిల్‌పై చిత్ర‌బృందం ఎలా స్పందిస్తుందో చూడాలి.