సెప్టెంబ‌రు 1న బాల‌కృష్ణ సినిమా `పైసా వ‌సూల్‌` విడుద‌ల‌కు సిద్ధ‌మైంది. ఈసినిమాపై బ‌జ్ అలా ఇలా లేదు. బాల‌య్య సినిమా అంటేనే హాట్ కేక్‌. దానికి తోడు పూరి జ‌గ‌న్నాథ్ క‌లిశాడు. టీజ‌ర్ బాగుంది. డైలాగులు బాగా పేలాయి. ఇక ట్రైల‌ర్ కూడా అదే స్థాయిలో ఉండ‌బోతోంద‌ని స‌మాచారం. ఇప్ప‌టికే ఈ సినిమాపై బిజినెస్ ఓ రేంజులో జ‌రుగుతోంది. బిజినెస్ ప‌రంగా బాల‌య్య గ‌త సినిమాల్ని బీట్ చేయ‌డం ఖాయం. అలాంటి సినిమాపై పోటీకి దిగ‌డం అంటే అది సాహ‌స‌మే. అదే ప‌నిచేయ‌బోతున్నాడు అల్ల‌రి న‌రేష్‌. ‘మేడ‌మీద అబ్బాయి’ షూటింగ్ పూర్త‌యింది. ఫ‌స్ట్ కాపీ కూడా సిద్ధ‌మైంది. ఈ సినిమాని సెప్టెంబ‌రు 1నే విడుద‌ల చేయాల‌ని చిత్ర‌బృందం భావిస్తోంది. రిలీజ్ డేట్ బ‌య‌ట‌కు చెప్ప‌క‌పోయినా… సెప్టెంబ‌రు మొద‌టి వారంలో సినిమాని విడుద‌ల చేస్తామ‌ని చిత్ర‌బృందం ప్ర‌క‌టించేసింది. అల్ల‌రి న‌రేష్‌కి ఈమ‌ధ్య విజ‌యాలు లేవు. దానికి తోడు మేడ మీద అబ్బాయికి బ‌జ్ లేదు. టీజ‌ర్ బాగున్నా.. సినిమా ఏ స్థాయిలో ఉంటుంద‌న్న‌ది చెప్ప‌లేక‌పోతున్నారు సినీ జ‌నాలు. బాల‌య్య‌పై పోటీకి దిగ‌డం… పైగా వ‌రుస ఫ్లాపులు మీదున్న‌ప్పుడు … పాపం… అల్ల‌రోడు బుక్క‌యిపోతాడేమో.