జై ల‌వ‌కుశ ఆడియో మార్కెట్లోకి వ‌చ్చేసింది. సాధార‌ణంగా క‌మ‌ర్షియ‌ల్ సినిమాల్లో ఆరు పాట‌లుంటాయి. ఇప్పుడు 5కి త‌గ్గించేస్తున్నారు. ల‌వ‌కుశ‌లో అయితే బొత్తిగా 4 పాట‌లే ఉన్నాయి. ముగ్గురు ఎన్టీఆర్‌లు ఉంటే నాలుగు పాట‌లేంటి? అని నంద‌మూరి ఫ్యాన్స్ కాస్త నిరుత్సాహప‌డుతున్నారు. అయితే.. ఈ సినిమాలో మ‌రో పాట కూడా ఉంద‌ట‌. ఆ పాట‌ని త్వ‌ర‌లో విడుద‌ల చేస్తామ‌న్నారు దేవిశ్రీ ప్ర‌సాద్‌. ”ఇప్ప‌టికి నాలుగు పాట‌లు వ‌చ్చాయి. మ‌రో పాట ఉంది. అది డాన్స్ నంబ‌ర్‌. ఓ కొత్త జోన‌ర్‌లో ఈ పాట కంపోజ్ చేశాం. ఎల‌క్ట్రానిక్ ఫోక్ అనొచ్చేమో. ఈపాట‌ని రామ‌జోగయ్య శాస్త్రిగారు రాశారు. త్వ‌ర‌లోనే దీన్ని విడుదల చేస్తాం” అని దేవిశ్రీ క్లారిటీ ఇచ్చాడు. అన్న‌ట్టు త‌మ‌న్నా ఓ్ ప్ర‌త్యేక గీతం న‌ర్తించ‌బోతున్న‌ట్టు వార్త‌లొచ్చాయి. బ‌హుశా.. ఈ పాట త‌మ‌న్నా కోస‌మే అయి ఉంటుంది. ఇప్ప‌టికే రికార్డింగ్ అయిపోయినా ఆ పాట‌నెందుకో స‌స్పెన్స్‌గా దాని పెట్టారు. బహుశా.. న‌త్తి ఎన్టీఆర్‌గానీ ఈ పాట‌ని పాడేశాడా అనేదే డౌటు. జై పాత్ర‌కు న‌త్తి ఉన్న సంగ‌తి తెలిసిందే. ఎన్టీఆర్‌తో న‌త్తి న‌త్తిగా ఓ పాట పాడించాల‌ని దేవిశ్రీ ప్ర‌సాద్ ఫిక్స్ అయ్యాడేమో. అందుకే ఆ పాట‌ని దాచేశారు.