స్పైడర్ ప్రి రిలీజ్ ఫంక్షన్ అభిమానుల కోలాహలం తో దద్దరిల్లిపోయింది. ఈ సినిమా లో విలన్ గా దర్శకుడు ఎస్ జె సూర్య నటిస్తున్న విషయం తెలిసిందే. సూర్యని స్టేజ్ పైకి పిలుస్తూ యాంకర్ సుమ నాని సినిమా తో మహేష్ బాబు ని బుజ్జగించిన దర్శకుడు సూర్య ఈ సినిమా లో మహేష్ ని ఎలా భయపెట్టబోతున్నాడో ఆయన్నే అడిగి తెలుసుకుందాం అని స్టేజ్ పైకి సూర్య ని ఆహ్వానించింది. సూర్య స్పీచ్ అదరగొట్టడం తో అభిమానుల ఆనందానికి హద్దే లేకుండా పోయింది.
సూర్యకి హీరో మహేష్, దర్శకుడు మురుగదాస్ ఇద్దరితోనూ మంచి అనుబంధం ఉంది, సూర్య గతం లో మహేష్ తో నాని అనే సినిమా తీసారు. అలాగే మురుగదాస్ ఈయన వద్ద గతం లో అసిస్టెంట్ గా పనిచేసాడు. సూర్య మాట్లాడుతూ “ఈ సినిమా తెలుగు మాటలతో ఉన్న ఒక హాలీవుడ్ సినిమా” అని ప్రశంసించాడు. మహేష్ బాబు కొద్ది రోజుల క్రితం చెన్నై లో జరిగిన ఫంక్షన్ లో మహేష్ బాబు “నా అభిమానులున్నారు. ఈ జన్మకు నాకిది చాలు” అని చెప్పిన మాటలని ఉటంకించి అభిమానులని ఆనందం లో ముంచెత్తాడు. ఇక చివరగా “నన్ను కూడా తెలుగు లో యాక్సెప్ట్ చేయండి” అని చమత్కరిస్తూ ముగించారు.
