పేరుకి హార‌ర్ కామెడీ సినిమాలే గానీ, హార‌ర్ కంటే కామెడీకే పెద్ద పీట వేస్తున్నారు ద‌ర్శ‌కులు. రాజుగారి గ‌ది 2లోనూ ఇదే రిపీట్ అయ్యింద‌ట‌. నాగార్జున‌, స‌మంత‌, సీర‌త్ క‌పూర్ ప్ర‌ధాన పాత్ర‌లు పోషిస్తున్న చిత్రమిది. ఓంకార్ ద‌ర్శ‌కుడు. ఈ సినిమాలో ఓంకార్ హార‌ర్ కంటే, కామెడీకే పెద్ద పీట వేశాడ‌ట‌. నాగార్జున ఈ క‌థ‌ని ఒప్పుకోవ‌డానికి కార‌ణం కూడా అదే న‌ట‌. వెన్నెల కిషోర్ అండ్ కో చేసే కామెడీ దాదాపు 30 నిమిషాల పాటు నాన్ స్టాప్‌గా న‌వ్విస్తూనే ఉంటుంద‌ట‌. అంద‌రూ నాగ్ వైపు దృష్టి పెడితే – స‌మంత మాత్రం త‌న పెర్‌ఫార్మ్సెన్స్‌తో ఈ సినిమాని మ‌రో స్టేజీకి తీసుకెళ్తుంద‌ట‌. స‌మంత ఈ సినిమాలో ఆత్మ‌గా క‌నిపించ‌బోతోంది. ఆ పాత్ర‌లో స‌మంత న‌ట‌న‌.. ఎప్ప‌టికీ గుర్తుండిపోయేలా ఉంటుంద‌ని, నాగ్ కంటే స‌మంత‌కే ఎక్కువ మార్కులు ప‌డ‌తాయ‌ని తెలుస్తోంది. సెప్టెంబ‌రు 20 అక్కినేని నాగేశ్వ‌ర‌రావు పుట్టిన రోజు. ఈ సంద‌ర్భంగా రాజుగారి గ‌ది 2 ట్రైల‌ర్‌ని విడుద‌ల చేస్తారు. అదే రోజున రిలీజ్ డేట్‌ని అధికారికంగా ప్ర‌క‌టిస్తారు.