సినిమాళ్ల జీవితం… అందులోనూ క‌థానాయిక క‌థ ఎప్ప‌టికీ ఆస‌క్తిని రేకెత్తించే అంశ‌మే. క‌థానాయిక చీక‌టి వెలుగుల కోణం ఎన్నిసార్లు చూపించినా కొత్త‌గానే ఉంటుంది. అయితే.. దానికి కాస్త హాట్ హాట్ ఐటెమ్స్ మిక్స్ చేస్తే అది `డర్టీ పిక్చర్` అయ్యింది. ఈ సినిమాని ఏ కోణంలో చూస్తే..ఆ కోణంలో క‌న‌బ‌డుతుంది. ఇది కేవ‌లం హాట్ మ‌సాలా అన్న‌వాళ్ల‌కు అందులో హాట్ స‌న్నివేశాలే గుర్తొస్తాయి. కాదు.. ఇందులో లైఫ్ కూడా ఉంది అనుకొంటే అదీ క‌నిపిస్తుంది. అందుకే ద‌ర్టీ పిక్చ‌ర్ కోట్లు కొల్ల‌గొట్టింది. స‌రిగ్గా ఇలాంటి కొల‌త‌ల‌తోనే మ‌రో సినిమా త‌యారైంది. అదే జూలీ 2.

ల‌క్ష్మీరాయ్ బాలీవుడ్‌లో దుమ్ము రేప‌డానికి ఈ సినిమాతోనే స‌మాయాత్త‌మైంది. ఇప్ప‌టికే హాట్ హాట్ ఫొటోలు బ‌య‌ట‌కు వ‌చ్చేశాయి. ఇప్పుడు చిత్ర‌బృందం ట్రైల‌ర్ కూడా వ‌దిలింది. ఓ క‌థానాయిక ఎద‌గ‌డానికి ప‌డే ఆప‌సోపాలు,చీక‌టి కోణాలు, మాఫియా, క్రికెట్ బెట్టింగ్ – ఇవ‌న్నీ రంగ‌రించి తీసిన సినిమా ఇది. ద‌ర్టీపిక్చ‌ర్ ల‌క్ష‌ణాలు పుష్క‌లంగానే క‌నిపిస్తున్నాయి. అయితే… ల‌క్ష్మీరాయ్‌లో మ‌రో కోణం కూడా ఉంద‌ని ట్రైల‌ర్ చూస్తే అర్థ‌మ‌వుతుంది. త‌న‌కు న‌టించ‌డానికి కాస్త స్కోప్ దొరికిన‌ట్టే అనిపిస్తోంది. ద‌ర్టీపిక్చర్ కాన్సెప్ట్‌కి ఇంకాస్త పెప్ జోడిస్తే.. కొన్ని వ‌సూళ్లు ద‌క్కించుకోవొచ్చు. కాక‌పోతే చూసిన సినిమానే అన్న ఫీలింగ్ క‌ల‌గ‌కుండా చూసుకోవాలి. మ‌రి ఈ జూలీ ఎలాంటి మ్యాజిక్ చేస్తుందో..