బాహుబ‌లితో ఇంట‌ర్నేష‌న‌ల్ స్టార్ అయిపోయాడు ప్రభాస్. ఇప్పుడు ప్రభాస్ గురించో, త‌న సినిమా గురించో ఏ చిన్న క‌బురు బ‌య‌ట‌కు వ‌చ్చినా అది స‌న్సేష‌న‌లే అయిపోతోంది. ప్ర‌స్తుతం సాహో షూటింగ్‌లో బిజీగా ఉన్నాడు ప్రభాస్. ఈనెల 23న ప్రభాస్ పుట్టిన రోజు. ఈ సంద‌ర్భంగా సాహోకి సంబంధించిన కొత్త విష‌యాలు, లేదంటే ఫ‌స్ట్ లుక్, టీజ‌ర్‌లాంటివి బ‌య‌ట‌కు వ‌స్తాయేమో అని ఆశ‌గా ఎదురుచూస్తున్నారు ప్రభాస్ ఫ్యాన్స్‌. ఇప్ప‌టికే సాహోకి సంబంధించిన టీజ‌ర్ బ‌య‌ట‌కు వ‌చ్చేసింది. ఈ సినిమాలో ప్రభాస్ లుక్ ఎలా ఉంటుందో ఆ టీజ‌ర్లో తెలిసిపోయింది. ఈ పుట్టిన రోజుకి టీజ‌ర్లేం లేవు.కాక‌పోతే మేకింగ్ వీడియో ఒక‌టి విడుద‌ల చేసే ఆలోచ‌న‌లో ఉంది చిత్ర‌బృందం. మీడియా కోసం ప్రభాస్ పై స్టైలీష్ ఫొటో షూట్ నిర్వ‌హించార్ట. ఆ ఫొటోలు ఒక‌ట్రెండు రోజుల్లో్ బ‌య‌ట‌కు వ‌చ్చే అవ‌కాశాలున్నాయి. 22 అర్థరాత్రి ప్రభాస్ మీడియాకి, త‌న సన్నిహితుల‌కు, సాహో టీమ్‌కీ పెద్ద పార్టీ ఇవ్వ‌బోతున్నాడు. బాహుబ‌లి టీమ్ కూడా ఈ పార్టీలో పాల్గొన‌బోతోంద‌ని టాక్‌. సాహో షూటింగ్ హైద‌రాబాద్ లో శ‌ర‌వేగంగా సాగుతోంది. షూటింగ్‌కి గ్యాప్ ఇవ్వ‌డానికి ప్రభాస్ ఇష్ట‌ప‌డ‌డం లేద‌ని తెలుస్తోంది. వీలైనంత త్వ‌ర‌గా సాహోని విడుద‌ల చేయాల‌న్న‌ది త‌న ప్లాన్‌. పుట్టిన రోజునా.. సాహో సెట్లోనే ఉండ‌బోతున్నాడు ప్రభాస్.
