సింహా, లెజెండ్‌ల‌తో నంద‌మూరి బాల‌కృష్ణ‌- బోయ‌పాటి శ్రీ‌నుల‌ది సూప‌ర్ కాంబో అయిపోయింది. బాల‌య్య‌ని ఈ త‌ర‌హాలో చూపించిన ద‌ర్శ‌కుడు బోయ‌పాటి శ్రీ‌నునే అని, ఈ త‌రంలో బాల‌య్య‌ని ఇంత ప‌వ‌ర్ ఫుల్‌గా చూపించ‌డం మ‌రో ద‌ర్శ‌కుడికి సాధ్యం కాద‌ని బాల‌య్య అభిమానులు కూడా ఒప్పుకొన్నారు. ఇప్పుడు వీరిద్ద‌రి కాంబినేష‌న్‌లో ముచ్చ‌ట‌గా మూడో సినిమా రాబోతోంది. 2018 జూన్‌లో వీరిద్ద‌రి సినిమా మొద‌లుకాబోతోంది. ఈలోగా.. బోయ‌పాటి రామ్ చ‌ర‌ణ్‌తో ఓ సినిమా పూర్తి చేసే అవ‌కాశం ఉంది. బాల‌య్య కోసం బోయ‌పాటి ఇప్ప‌టికే క‌థ సిద్ధం చేశాడ‌ని టాక్‌. అయితే… ఈసారి మ‌ల్టీస్టార‌ర్ స్క్రిప్టు రెడీ చేశాడ‌ట‌. బాల‌కృష్ణ‌తో పాటు ఓ అగ్ర హీరో ఈ సినిమాలో క‌నిపిస్తార‌ని స‌మాచారం. అయితే ఆ హీరో ఎవ‌రన్న‌ది ఇంకా తేల‌లేదు. బాల‌య్య సూచ‌న‌ల మేర‌కు, ఆయ‌న ఏ హీరో పేరు చెబితే ఆ హీరోతో ఈ సినిమా తెర‌కెక్కించాల‌ని బోయ‌పాటి ఫిక్స‌య్యాడ‌ట‌. బాల‌య్య‌తో సినిమా ఇంకా టైమ్ ఉంది కాబ‌ట్టి, హీరో సంగ‌తి ఆలోచించ‌లేద‌ని, ఇప్పుడు బోయ‌పాటి దృష్టి మొత్తం… చ‌ర‌ణ్ సినిమాపైనే ఉంద‌ని తెలుస్తోంది.