ఈమ‌ధ్య త‌న లుక్ విష‌యంలో నంద‌మూరి బాల‌కృష్ణ బాగానే శ్ర‌ద్ద తీసుకొంటున్న‌ట్టు క‌నిపిస్తోంది. సింహా, లెజెండ్‌, గౌత‌మి పుత్ర శాత‌క‌ర్ణి, పైసా వ‌సూల్ సినిమాల్లో బాలయ్య లుక్‌లు కొత్త‌గా క‌నిపించాయి. ఈసారి ‘జై సింహా’గా రాబోతున్నాడు బాలయ్య. కె.ఎస్‌.ర‌వికుమార్ ద‌ర్శ‌కత్వం వ‌హిస్తున్న ఈ చిత్రంలో న‌య‌న‌తార క‌థానాయిక. ‘జైసింహా’ ఫ‌స్ట్ లుక్‌ని కొద్ది సేప‌టి క్రితం విడుద‌ల చేసింది చిత్ర‌బృందం. మెలితిరిగిన మీసం, క‌ళ్ల జోడు, జీన్ ఫ్యాంటూ, టీ ష‌ర్టు పైన జాకెట్టు… ఇంకాస్త యంగ్ లుక్‌లో క‌నిపిస్తున్నాడు బాలయ్య. చేతిలో స్టిక్‌తో మాసీ ఎఫెక్ట్ వ‌చ్చింది. జై సింహా లోగో చూస్తుంటే… ‘సింహా’ లోగోనే య‌ధాత‌థంగా వాడుకొన్నారా అనిపిస్తుంది. ఆ ప‌క్క‌న ఎంబ్లంలా క‌నిపించిన బాలయ్య గెట‌ప్ కూడా సింహాలోనిదే అనిపిస్తోంది. ఎన్టీఆర్ విగ్ర‌మం ముందు జ‌నం, వాళ్ల‌లో నాయ‌కుడిగా బాలయ్య.. ఇలా మొత్తంగా నంద‌మూరి అభిమానుల్ని అల‌రించేలానే ఫ‌స్ట్ లుక్ డిజైన్ చేశారు. సంక్రాంతి బ‌రిలో ‘జై సింహా’ ఉంది. అయితే విడుద‌ల తేదీ ఎప్పుడ‌న్న‌ది ఇంకా తేల‌లేదు. త్వ‌ర‌లోనే ఈ విష‌యంలో ఓ క్లారిటీ వ‌స్తుంది.
‘జై సింహా’ లుక్ : బాలయ్య అదిరాడుగా!
