నాని క‌థానాయ‌కుడిగా తెర‌కెక్కుతున్న చిత్రం ఎంసీఏ. మిడిల్ క్లాస్ అబ్బాయి అనేది ఇన్న‌ర్ మీనింగ్‌. ఈ సినిమా క‌థేంట‌న్న విష‌యంలో చిన్న క్లూ దొరికింది. ఇదేం కాలేజీ స్టోరీ కాదు. ఓ ఫ్యామిలీ డ్రామా. ఇంకా క్లుప్తంగా చెప్పాలంటే వ‌దిన – మ‌రిదిల క‌థ‌. నానికి వ‌దిన‌గా భూమిక క‌నిపించ‌నుంది. వ‌దిన ఆర్టీవో అధికారిగా ప‌నిచేస్తుంద‌ట‌. నాని ఏమో ఆవారా. ఫ్రెండ్స్ బ్యాచ్‌తో బ‌లాదూర్‌గా తిరిగొస్తుంటాడు. వ‌దిన‌కూ మ‌రిదికీ ఒక్క క్ష‌ణం కూడా ప‌డ‌ద‌ట‌. మ‌రిదిని ఎప్పుడూ చిన్న చూపు చూస్తుంటుంద‌ట వ‌దిన‌. అయితే అనుకోకుండా భూమిక ఓ స‌మ‌స్య‌లో ఇరుక్కోవ‌డం, దాన్నుంచి నాని గ‌ట్టెక్కించ‌డంతో… వ‌దిన – మ‌రిదిల మ‌ధ్య క్లాష్ తొల‌గిపోతుంద‌ట‌. ఇదీ క్లుప్తంగా క‌థ‌. సింగిల్ లైన్‌లో చెప్పుకొంటే ‘గ్యాంగ్ లీడ‌ర్’ త‌ర‌హా క‌థ‌గా అనిపిస్తోంది. అయితే నాని ఎన‌ర్జీ, ద‌ర్శ‌కుడు వేణు శ్రీ‌రామ్ అల్లిన స్క్రీన్ ప్లే… ఈ సినిమాకి కొత్త ఫ్లేవ‌ర్ తీసుకొచ్చింద‌ని స‌మాచారం. కీర్తి సురేష్ ఉండ‌నే ఉంది. మ‌రోసారి నాని – కీర్తి సురేష్ ల‌మ‌ధ్య కెమిస్ట్రీ అదిరిపోయేలా కుదిరింద‌ని తెలుస్తోంది. పైగా.. ఇది దిల్‌రాజు బ్యాన‌ర్ నుంచి వ‌స్తున్న సినిమా ఆయె. ఆయ‌న ప‌ట్టింద‌ల్లా బంగారం అయిపోతోంది. అందుకే… ఎంసీఏ పై అంచ‌నాలు మ‌రింత‌గా పెరిగాయి. ఈ క్రిస్మ‌స్‌కి ఎంసీఏ ప్రేక్ష‌కుల ముందుకు వ‌స్తోంది.