టాలీవుడ్లో ఓ రేంజ్ స్టార్ ఇమేజ్ వచ్చాకా బాలీవుడ్ నుండి పిలుపు రాగానే చటుక్కున వెళ్లిపోయింది చిట్టి నడుము సుందరి ఇలియానా. అక్కడ బర్ఫీతో హిట్ కొట్టినా అమ్మడికి మాత్రం కాలం కలిసి రాలేదు. ఎంత రెచ్చిపోయి ఎక్స్ పోజింగ్ గట్రా చేసినా పట్టించుకునే నాధుడే లేకుండా పోయాడు అందుకే తనకు హీరోయిన్ గా స్టార్ ఇమేజ్ ఇచ్చిన సౌత్ వైపే మళ్లీ చూపు మళ్లి ఇక్కడకు వచ్చింది.
అమ్మడు రాగానే అవకాశాలు ఎలా వస్తాయ్ చెప్పండి అదీగాక అమ్మడు మంచి ఫాంలో ఉన్నప్పుడు దర్శక నిర్మాతలకు పెద్ద హ్యాండ్ ఇచ్చి వెళ్లింది అందుకే వచ్చి ఛాన్స్ అంటూ వెంటబడుతున్నా ఆమెకేసి ఓ లుక్కు కూడా వేయట్లేదు మన దర్శక నిర్మాతలు. మొన్నామధ్య శ్రీనువైట్ల పుణ్యమాని మెగా పవర్ స్టార్ రామ్ చరణ్ అప్ కమింగ్ ప్రాజెక్ట్ ‘బ్రూస్ లీ’లో ఐటం సాంగ్ కి ఓకే అయ్యిందని వార్తలు వచ్చాయ్. అయితే చేసేది ఐటం సాంగే అయినా అమ్మడు రెమ్యునరేషన్ దాదాపు ఓ సినిమాకు తీసుకునేంత డిమాండ్ చేసిందట.
దానయ్య డివివి రూపంలో ఇల్లి బేబీకి అదృష్టం వచ్చిందేమో అనుకున్నారంతా కాని చూస్తే ‘బ్రూస్ లీ’ రిలీజ్ కు రెడీ అవుతుంది. ఓ పక్క మెగాస్టార్ తో కూడా మూడు రోజులు షూటింగ్ చేస్తున్నారు. మరి ఫిల్మ్ నగర్ నుండైతే ఇలియానా ఐటం సాంగ్ గురించి ఎలాంటి ఇన్ఫర్మేషన్ లేదు. అంటే ఇలియానా ఐటం సాంగ్ బ్రూస్ లీలో లేదన్న విషయం అర్ధమవుతుంది. పాపం బ్రూస్ లీతో మళ్లీ తెలుగులో గ్రాండ్ ఎంట్రీ ఇద్దామనుకున్న ఇలియానాకి చివరకు నిరాశే మిగిలిందన్నమాట. ఎక్కడ నెగ్గాలో కాదు ఎక్కడ తగ్గాలో ఇలియానాకి బొత్తిగా తెలిసినట్టు లేదు.
