ఎనర్జిటిక్ స్టార్ రామ్ ఈ మధ్య తన జోష్ తగ్గించాడనే చెప్పాలి. కెరియర్ స్టార్టింగ్లో స్పీడ్ స్పీడ్ గా సినిమాలు చేసిన ఈ హీరో ఇప్పుడు కాస్త స్లో అయ్యాడన్నది వాస్తవం. చేసిన సినిమాలు కూడా అంతగా ప్రేక్షకాదరణ నోచుకోవట్లేదు. లాస్ట్ ఇయర్ వచ్చిన పండగ చేస్కో కూడా యావరేజ్ సినిమాగా నిలిచింది. హిట్ కొట్టాలనే కసి మీదున్న ఈ హీరో ప్రస్తుతం ఇంకో వారంలో శివంగా థియేటర్లలో సందడి చేయనున్నాడు. శ్రీనివాస్ రెడ్డి దర్శకత్వం వహించిన ఈ సినిమాతోనైనా రామ్ ఎనర్జిటిక్ హిట్ కొడతాడా లేదా అన్నది చూడాలి.
రిలీజ్ అయిన ట్రైలర్స్, పోస్టర్స్ సినిమాపై అంచనాలను పెంచుతున్నా.. రామ్ సినిమా అంటే హిట్ టాక్ వచ్చేదాకా కష్టమే అనేంతలా ముందు సినిమాల ప్రభావం పడింది. రాశి ఖన్నా అందాలు.. దేవి మ్యూజిక్ సినిమాకు ప్లస్ అయ్యే అంశాలు. 30 సంవత్సరాలు సక్సెస్ఫుల్ గా బ్యానర్ రన్ చేస్తున్న స్రవంతి రవికిశోర్ ఈ సినిమాను చాలా పకడ్బందీగా ప్లాన్ చేశారు. అంతేకాదు రామ్ శివమ్ సినిమాను ఓవర్సీస్ లో కూడా భారీ రేంజ్లో రిలీజ్ చేయనున్నారట.
మరి ఈ సినిమాతోనైనా రామ్ తన స్క్రీన్ నేమ్ లో ఉన్న ఎనర్జీని సినిమాలో చూపించి శివమెత్తుతాడనే నమ్మకంతో ఉన్నారు హీరో అభిమానులు. అక్టోబర్ 2న చాలా సినిమాలు అనుకున్నా ప్రస్తుతం రేసులో రామ్ శివమ్ మాత్రమే ఉంది. దానికి ఒకరోజు ముందు కోలీవుడ్ స్టార్ హీరో విజయ్ నటించిన పులి సినిమా కూడా భారీ రేంజ్లో రిలీజ్ చేస్తున్నారు.
