యంగ్ టైగర్ ఎన్టీఆర్ అన్న కళ్యాణ్ రామ్ కు ఈ మధ్య ఏదంటే అది చేస్తూ అన్నకు తగ్గ తమ్ముడనిపించుకుంటున్నాడు. ఇయర్ మొదట్లోనే పటాస్ ఆడియో వేడుకకు వచ్చి అన్న కళ్యాణ్ రామ్ గురించి ఎమోషనల్ స్పీచ్ ఇచ్చిన ఎన్టీఆర్ ఇప్పుడు మరళ కళ్యాణ్ రామ్ ‘షేర్’ ఆడియోకి కూడా గెస్ట్ గా రాబోతున్నాడు. మల్లికార్జున్ దర్శకత్వం వహించిన షేర్ సినిమా కొమర వెంకటేష్ నిర్మిస్తున్నారు. పటాస్ లానే యాక్షన్ కామెడీ ఎంటర్టైనర్ గా రాబోతున్న ఈ సినిమాతో మరోసారి హిట్ కొట్టాలని కసితో ఉన్నాడు కళ్యాణ్ రామ్.

ఎన్టీఆర్ రిలీజ్ చేసిన పటాస్ సూపర్ సక్సెస్ అయ్యింది. అదే సెంటిమెంట్ ని కొనసాగిస్తూ ఇప్పుడు మరళ కళ్యాణ్ రామ్ హీరోగా చేసిన షేర్ సినిమా ఆడియోకి కూడా ఎన్టీఆర్ ని ఆహ్వానిస్తున్నాడు. ఈ నెల 10న జరుగబోతున్న ఈ ఆడియో వేడుకకు నందమూరి సోదరులిద్దరు వచ్చి అలరించనున్నారు. ప్రస్తుతం నాన్నకు ప్రేమతో సినిమా షూటింగ్ కు కొంత గ్యాప్ ఇచ్చిన ఎన్టీఆర్ తన అన్న సినిమా ఆడియోకు మరోసారి అతిధిగా రావడం నందమూరి అభిమానుల్లో సంతోషాన్ని ఇస్తుంది.

మొన్నామధ్య కిక్-2 విషయంలో కూడా అన్నకు సాయం చేసి కళ్యాణ్ రామ్ ని సేవ్ చేసిన ఎన్టీఆర్.. ఆడియో వేడుకకు అతిధిగా వచ్చి సినిమాకు మరింత కలర్ఫుల్ తేనున్నాడు. మరి ఇద్దరు రామచంద్రులు వస్తున్న ఈ ఆడియో వేడుక ఇంకెన్ని సెన్షేషన్స్ క్రియేట్ చేస్తుందో చూడాలి.