సూపర్ స్టార్ మహేష్ ప్రస్తుతం బ్రహ్మోత్సవం షూటింగ్లో బిజీగా ఉన్నాడు. రీసెంట్ గా సంగీత్ సాంగ్ కంప్లీట్ చేసుకున్న ఆ సినిమా రెగ్యులర్ షూటింగ్ జరుపుకుంటుంది. అయితే మహేష్ బ్రహ్మోత్సవం తర్వాత ఏ సినిమా చేస్తాడనే ఎక్సైట్మెంట్ ఫ్యాన్స్ లో ఉంది. ఓ పక్క పూరి మహేష్ కోసం కథ సిద్ధం చేస్తున్నానని అంటుంటే తాను కూడా మహేష్ తో సినిమా చేస్తా అంటున్నాడు వినాయక్. ఈ ఇద్దరి మధ్యలో మహేష్ తో సంప్రదింపులు జరుపుతున్నాడు డైరక్టర్ విక్రం కుమార్.
అయితే లేటెస్ట్ గా మరో కొత్త న్యూస్ ఫిల్మ్ నగర్లో చెక్కర్లు కొడుతుంది. టాలెంటెడ్ అండ్ క్రియేటివ్ డైరక్టర్ మురుగదాస్, మహేష్ తో సినిమా తీద్దామనే ఆలోచనలో ఉన్నాడట. మహేష్ మురుగదాస్ కాంబినేషన్ ఎప్పుడో సినిమా రావాల్సింది కాని పరిస్థితులు అనుకూలించక అది జరుగలేదు. అయితే వినిపిస్తున్న వార్తల ప్రకారం దాదాపు మహేష్ తన నెక్ష్ట్ మూవీ మురుగదాస్ తో ఖాయం చేసేందుకే రెడీ అయ్యాడని సన్నిహితులు చెబుతున్నారు.
ప్రస్తుతం అకిరా సినిమా చేస్తున్న మురుగదాస్ కోలీవుడ్ స్టార్ హీరో విజయ్ తో మరో సినిమా కమిట్ అయ్యాడు. మరి మురుగదాస్ మహేష్ సినిమా ఉంటుందా లేదా అన్నది మరికొద్దిరోజుల్లో తెలుస్తుంది.
