సంచలన దర్శకుడు రాం గోపాల్ వర్మ ఏం చేసినా అది ఒక సెన్షేషనే.. అయితే సారుకి ఏదో ఒక మ్యాటర్ మీద కెలకక పోతే నిద్ర పట్టదు. అందుకే మెగాస్టార్ మీద ఆయన సినిమాల మీద పడ్డాడు. చిరు 150వ సినిమా నుండి స్టార్ట్ అయిన వర్మ వీరంగం బ్రూస్ లీ సినిమా చిరు ఎందుకు తీశాడో..అంటూ తన మార్క్ పంచులు వేశాడు. ఇకపోతే అసలు మెగా ఫ్యామిలీకి వర్మకు ఎక్కడ చెడిందబ్బా అని ఆరా తీస్తే.. మెగాస్టార్ ఫుల్ ఫాంలో ఉన్నప్పుడు వర్మ కూడా క్రేజీ డైరక్టర్ గా చేస్తున్నాడు.

వీరిద్దరి కాంబినేషన్లో ఓ సినిమా స్టార్ట్ అయ్యిందట.. షూటింగ్ కూడా జరుగుతున్న సందర్భంలో వర్మ బిహేవియర్ నచ్చక సినిమా నుండి తప్పించాడట చిరంజీవి. అందుకే అప్పటినుండి మెగాస్టార్ పై కసి పెంచుకున్నాడట వర్మ. ఇది ఎంతవరకు నిజం అనేది పక్కన పెడితే ఫిల్మ్ నగర్లో మాత్రం ఇది హాట్ న్యూస్ గా స్ప్రెడ్ అవుతుంది. మెగా ఫ్యామిలీని టార్గెట్ చేసిన వర్మ ఫ్యాన్స్ కోపానికి బలయ్యాడు. మెగా ఫ్యాన్స్ ఏకంగా వర్మ శవయాత్ర కూడా నిర్వహించి వార్నింగ్ ఇచ్చారు.

అయితే ఎప్పుడో జరిగిన దాన్ని మనసులో పెట్టుకుని వర్మ ఇలా మాట్లాడుతున్నాడు అనడం ఎంతవరకు సమజసమో తెలియాలి. మొత్తానికి రాజుకున్న ఈ మెగా వర్మల గొడవల వ్యవహారం ఎంతవరకు వెళ్తుందో చూడాలి.