గమ్యం, వేదం, కృష్ణం వందే జగద్గురు సినిమాలతో దర్శకుడిగా తనకంటూ మంచి గుర్తింపు తెచ్చుకున్న క్రిష్ అక్షయ్ కుమార్ హీరోగా గబ్బర్ ఈజ్ బ్యాక్ సినిమా డైరెక్ట్ చేశాడు. అయితే క్రిష్ బాలీవుడ్ ఎంట్రీకి కారణం మాత్రం సూపర్ స్టార్ మహేష్ బాబు, నమ్రత అని తెలుస్తుంది. తెలుగు ఠాగూర్ సినిమా చూసిన సంజయ్ లీలా భన్సాలి క్రిష్ కు కాల్ చేసి ఆ సినిమాను డైరెక్ట్ చేయాల్సిందిగా కోరాడట. అయితే వారికి క్రిష్ నేం ప్రిఫర్ చేసింది మాత్రం మహేష్ నమ్రతాలే అని తెలిసింది. వీరిద్దరు కలిసి ఆ సినిమా కో ప్రొడ్యూసర్ షబినా ఖాన్ కు చెప్పి క్రిష్ ని రికమెండ్ చేశారట.
సినిమా అనుకున్నంత సక్సెస్ కాకపోయినా దర్శకుడిగా క్రిష్ కు బీ టౌన్లో కూడా మంచి గుర్తింపు తెచ్చి పెట్టింది గబ్బర్ ఈజ్ బ్యాక్. ప్రస్తుతం కంచె సినిమా తీసిన క్రిష్ ఆ సినిమా ప్రమోషన్లో భాగంగా విషయాన్ని బయటపెట్టాడు. కంచె సినిమాను తాను ఎంతో రీసెర్చ్ చేసి తెరకెక్కించానని.. రెండవ ప్రపంచ యుద్ధ నాటి సంగతులతో పాటు అందమైన ఓ ప్రేమకథ కూడా కలిపి చెప్పానని అంటున్నాడు. అంతేకాదు మహేష్, ఎన్టీఆర్, అల్లు అర్జున్, రాజమౌలి తన కంచె సినిమాకు సపోర్ట్ చేయడం తనకు చాలా హ్యాపీగా ఉందని అంటున్నాడు. రేపు ప్రపంచ వ్యాప్తంగా రిలీజ్ అవుతున్న కంచె సినిమా ఎలాంటి రిజల్ట్ ని ఇవ్వనుందో అని ఆడియెన్స్ కూడా చాలా ఈగర్ గా ఉన్నారు.
మరి మహేష్ సహాయం వల్లే అక్షయ్ కుమార్ ని డైరెక్ట్ చేసే అవకాశం దక్కించుకున్న డైరక్టర్ క్రిష్. మహేష్ తో సినిమా ఎప్పుడు చేస్తాడో అని ఫ్యాన్స్ అంతా ఆసక్తిగా ఉన్నారు. కంచె హిట్ అయితే కచ్చితంగా మిగతా వారినంతా పక్కన పెట్టైనా సరే మహేష్ క్రిష్ తో సినిమా తీసేస్తాదన్నది కన్ఫాం అని మాత్రం చెప్పొచ్చు. కాని మహేష్ కంటే ముందే అఖిల్, చరణ్ క్రిష్ డైరెక్షన్లో సినిమా చేసేందుకు ప్లాన్లు చేస్తున్నారు.
