బాహుబలితో సూపర్ క్రేజ్ తెచ్చుకున్న ప్రభాస్ బాలీవుడ్లో కూడా మాంచి ఫాలోయింగ్ ని ఏర్పరచుకున్నాడు. అమరేంద్ర బాహుబలిగా, శివుడిగా బాహుబలితో తన నటనకు బీ టౌన్ ఆడియెన్స్ కూడా ఫిదా అయిపోయారు. అయితే ఈ క్రేజ్ నే క్యాష్ చేసుకునేందుకు ప్రభాస్ కు బాలీవుడ్ నుండి ఓ మంచి ఆఫర్ వచ్చింది. ధూమ్ సీరీస్లతో దుమ్మురేపుతున్న యశ్ రాజ్ ఫిల్మ్ వారు ఆ సినిమా మరో సీక్వెల్ గా ధూమ్-4 ని కూడా నిర్మించే ఏర్పాట్లు చేస్తున్నారు.
ఆ సినిమాలో ప్రభాస్ ని విలన్ గా అడిగారట ప్రెస్టిజియస్ యశ్ రాజ్ ఫిల్మ్ వారు. అయితే ఛాన్స్ అయితే వచ్చింది కాని ఇప్పుడప్పుడే బాలీవుడ్ సినిమాలు చేసే ఉద్దేశంలేని ప్రభాస్ ఆ ఆఫర్ ని చిన్నగా తిరస్కరించాడట. ధూమ్-3లో అమీర్ ఖాన్ ప్రతినాయకుడిగా నటించి మెప్పు పొందిన సంగతి తెలిసిందే. విలన్ పాత్రే అయినా ధూమ్ కి అదే క్రేజ్.. ఒక రకంగా టాలీవుడ్ హీరోకి ధూమ్ సీరీస్ లో నటించే ఛాన్స్ రావడం మంచి విషయమే అయినా ప్రభాస్ ప్రస్తుతం బాహుబలి-2 కే టైం కేటాయించే పనిలో ఉన్నాడు అందుకే మిగతా వాటి గురించి ఆలోచించట్లేదు.
ఒకవేళ ప్రభాస్ కనుక ఆ ఆఫర్ ని ఒప్పుకునే ఉంటే ధూమ్-4 కూడా రికార్డులు బద్ధలు కొట్టడం ఖాయమయ్యేది. అయితే ఎంత పెద్ద సినిమా అయినా బాలీవుడ్లో విలన్ గా కన్నా హీరోగా ఏమన్న సినిమా వస్తే చేసే ఛాన్స్ ఉంది ప్రభాస్. ఇప్పటికే మహింద్రా యాడ్లో దుమ్మురేపుతున్న ప్రభాస్ బాహుబలి-2 తో కూడా రికార్డుల పరంపరను కొనసాగిస్తాడనడంలో సందేహం లేదు.
