హాట్ భామ నయనతార టాలీవుడ్లో క్రేజీ ఆఫర్లు వస్తున్నా సరే వాటిని కాదంటుందట. కోలీవుడ్లో సూపర్ ఫాంలో ఉన్న ఈ బ్యూటీ అక్కడ ఏ సినిమా చేసినా అది సూపర్ హిట్ అవుతుంది. తని ఒరువన్, మాయ, రీసెంట్ గా నాన్ రౌడీ థాన్.. ఇలా వరుసెంట నటించిన సినిమాలన్ని సూపర్ హిట్స్ అవుతుండటంతో అమ్మడు కోలీవుడ్లో హాట్ హీరోయిన్ అయ్యింది. అమ్మడి ఫామ్ని చూసి కోలీవుడ్ స్టార్ హీరోల సైతం అవాక్కవుతున్నారు.
ప్రస్తుతం తమిళ్ సినిమాలతో ఫుల్ బిజీగా ఉన్న నయన్ కు తెలుగులో కూడా భారీ ఆఫర్లు వస్తున్నాయట. గత సంవత్సర కాలంగా సినిమా చేయని విక్టరీ వెంకటేష్ ఎట్టకేలకు తన తర్వాత సినిమాను ఓకే చేశాడు. మారుతితో తీస్తున్న ఈ సినిమాలో హీరోయిన్ గా నయనతార కోసం డేట్స్ అడగనున్నారట. ప్రస్తుతం కోలీవుడ్లో టచ్ చేయలేని పొజిషన్లో ఉంది నయనతార. మరి అలాంటి అమ్మడు తెలుగు ఆఫర్లను ఓకే చేస్తుందా అంటే డౌటే అంటున్నాయి కోలీవుడ్ వర్గాలు.
హ్యాట్రిక్ హిట్స్ తో ఫుల్ జోష్ లో ఉన్న నయన్ ఒకవేళ తెలుగులో కూడా చేస్తే ఆ సక్సెస్ మేనియాని కొనసాగించినట్టే అవుతుంది. ఎందుకంటే అక్కడ మాయగా రిలీజ్ అయిన నయన్ సినిమా తెలుగులో కూడా మయూరిగా వచ్చి ప్రేక్షకులను ఆకట్టుకుంది. ఆ క్రేజ్ మీదే నయన్ కోసం ఇక్కడ నిర్మాతలు కూడా క్యూలు కడుతున్నారు. మరి ఒకేసారి తెలుగు తమిళ్ సినిమాల్లో సక్సెస్ లు కొట్టిందంటే సౌత్ సూపర్ హీరోయిన్ గా నయనతార అందలం ఎక్కినట్టే.. మీరేమంటారు రీడర్స్..!
