సాధారణంగా స్టార్ హీరోల సినిమాలంటే పండుగకు పోటీ పడటం కామనే.. కాని మన హీరోలు కొందరు సమ్మర్ ని టార్గెట్ చేస్తూ సినిమాలు రిలీజ్ చేస్తారు. సమ్మర్ అంటే దాదాపు స్టూడెంట్స్ కి హాలీడేస్ కాబట్టి ఆ టైమ్లో మంచి సినిమాను అందిస్తే దాన్ని కాస్త హిట్ చేసి పెడతారని వారి ఆలోచన. ప్రతీసారి పండుగ సీజన్లనే కాకుండా సమ్మర్ వార్ కూడా స్టార్ హీరోల మధ్య కామన్ అయ్యింది.

అయితే ఈసారి సమ్మర్ వార్ కి సిద్ధమవుతున్నారు సూపర్ స్టార్ మహేష్ బాబు, స్టైలిష్ స్టార్ అల్లు అర్జున్. శ్రీకాంత్ అడ్డాల డైరక్షన్లో సీతమ్మ వాకిట్లో సిరిమల్లె చెట్టు సినిమాతో తన మీద పెట్టిన నమ్మకాన్ని నిలబెట్టుకున్న అడ్డాల శ్రీకాంత్ మరోసారి మహేష్ తో బ్రహ్మోత్సవంగా వస్తున్నాడు. తన మార్క్ ఫ్యామిలీ ఎంటర్టైన్మెంట్ గా వస్తున్న ఈ సినిమా ఏప్రిల్ 8న రిలీజ్ చేసేందుకు సన్నాహాలు చేస్తున్నారు.

ఇక అదే డేట్ కి ఒకరోజు ముందు అంటే ఏప్రిల్ 7న బోయపాటి శ్రీను, అల్లు అర్జున్ కాంబినేషన్లో వస్తున్న సరైనోడు కూడా వస్తున్నాడు. అటు లెజెండ్ హిట్ తో బోయపాటి శ్రీను, రుద్రమదేవి హిట్ తో బన్నీ మంచి జోష్లో ఉన్నారు. ఇప్పుడు అదే జోష్ తో సరైనోడు సినిమా చేస్తున్నారు. మరి సమ్మర్ వార్ లో పోటీ పడుతున్న వీరిద్దరిలో నెగ్గేదెవరో సినిమాలు వస్తేనే గాని చెప్పలేం.