టాలీవుడ్ సినిమాలకు పండుగ వచ్చిందంటే చాలు పెద్ద హీరోల సినిమాల దగ్గర నుండి చిన్న హీరోల సినిమాల దాకా రిలీజ్ చేయాలని చూస్తారు. ముఖ్యంగా సంక్రాంతి సినిమాకు ఈ పోటీ ఎక్కువ ఉండటం విశేషం. న్యూ ఇయర్ మూడ్లో ఉన్న ప్రేక్షకులకు కొత్త చిత్రంతో అలరించాలని అనుకుంటారు హీరోలంతా. అందుకే సినిమాలన్ని సంక్రాంతికి వరుస కట్టి మరి రిలీజ్ అవుతుంటాయి. ఈ సంక్రాంతికి ఎన్నడు లేని విధంగా స్టార్ హీరోల సినిమాలే పోటీ పడుతున్నాయనుకుంటుంటే వాటితో పాటుగా చిన్న సినిమాలు కూడా వచ్చి బరిలో నిలుస్తున్నాయి.
ఇప్పటికే సంక్రాంతికి బాలయ్య తన డిక్టేటర్ సినిమాను రిలీజ్ చేస్తుండగా.. బాబాయ్ కి పోటీగా రావాలా వద్దా అన్న సందిగ్దంలో ఉన్నాడు ఎన్.టి.ఆర్. నందమూరి హీరోల పోటీయే రసవత్తరంగా సాగుతుంది అనుకుంటున్న ఈ టైంలో సంక్రాంతి బరిలో నేనుంటా అని వస్తున్నాడు సునీల్. దిల్ రాజు నిర్మాతగా వాసు వర్మ డైరక్షన్లో వస్తున్న కృష్ణాష్టమి సినిమా సంక్రాంతి సీజన్లో రిలీజ్ చేసేందుకు సిద్ధమయ్యారు. ఇక అదే స్పీడ్ మీద రన్ రాజా రన్, మళ్లీ మళ్లీ ఇది రాని రోజు సినిమా లాంటి బ్యాక్ టు బ్యాక్ హిట్స్ కొట్టి ఎక్స్ ప్రెస్ వేగంతో హ్యాట్రిక్ హిట్ కొట్టేందుకు వస్తున్నాడు ఎక్స్ ప్రెస్ రాజా శర్వానంద్.
రసవత్తరంగా సాగే ఈ పోటీలో ఎవరికి వారు తమ తమ ప్రయత్నాలు చేస్తూ ఆడియెన్స్ ని అలరించేందుకు రెడీ అవుతున్నారు. మరి ఈ సినిమాలన్ని రిలీజ్ అయితే ప్రేక్షకులకు నిజమైన సంక్రాంతి వచ్చేసినట్టే.. సంక్రాంతి సందడిలో రిలీజ్ అవుతున్న ఈ సినిమాల్లో ఏ మూవీ భారీ హిట్ ని నమోదు చేసుకుంటుందో చూడాలి.
