సూపర్ స్టార్ మహేష్ ఇదివరకు అసలు మీడియా ముందుకు రావడానికి చాలా ఆలోచించే వారు.. ఇప్పుడు తరచు మీడియాలో ప్రత్యక్షమవుతూ ఫ్యాన్స్ ని అలరిస్తున్నాడు. ఈ మధ్యనే శ్రీమంతుడు సినిమాతో నిర్మాతగా మారిన మహేష్ కొత్త కొత్త ఆలోచనలతో ముందుకెళ్తున్నాడు. ఆ దారిలోనే దీపావళి సందర్భంగా సిని ప్రముఖుల్లో కొంతమందికి సర్‌ప్రయిజ్ గిఫ్ట్ లు పంపించి షాక్ ఇచ్చాడట. ఈ దీపావళికి లక్సరీయస్ రేంజరోవర్ కార్ ను తీసుకున్నాడు మహేష్.

అంతేకాదు కొన్ని డ్రై ఫ్రూట్స్, క్రాకర్స్, స్నాక్స్, ఆర్గానికి మ్యాంగోస్ లాంటివి ప్యాక్ చేయించి కొంతమందికి గిఫ్ట్ గా పంపించాడు. ఈ లిస్ట్ లో కంచె సినిమా దర్శకుడు క్రిష్ కూడా ఉండటం విశేషం. క్రిష్ అందుకున్న మహేష్ సర్‌ప్రయిజ్ గిఫ్ట్ లకు సంబరపడుతూ వారికి కృతజ్ఞత తెలుపుతూ ట్వీట్టర్లో థాంక్స్ మెసేజ్ పోస్ట్ చేశాడు. మహేష్, నమ్రతలు కలిసి ప్లాన్ చేసిన ఈ సర్‌ప్రయిజ్ గిఫ్ట్ కేవలం క్రిష్ ఒక్కడికేనా ఇంకా ఎవరెవరికి పంపించి ఉంటారా అన్నది తెలియాల్సి ఉంది.

మొన్నటిదాకా పవర్ స్టార్ పవన్ కళ్యాణ్ తన ఫాం హౌజ్ లో పండిన మామిడి పండ్లను తనకు నచ్చిన వారికి పంపించినట్టు ఇప్పుడు మహేష్ కూడా సర్‌ప్రయిజ్ గిఫ్ట్స్ తో అందరిని ఆశ్చర్యపరిచాడు. తోటి సిని ప్రముఖులను ఇలా సర్‌ప్రయిజ్ గిఫ్టులతో షాక్ ఇస్తున్న మహేష్ ఆ గిఫ్ట్ లో దీపావళి విశెష్ ని చేతిరాతతో తెలుపుతూ ఓ కార్డ్ కూడా పంపడం విశేషం. ప్రస్తుతం బ్రహ్మోత్సవం సినిమా చేస్తున్న మహేష్ ఆ సినిమా తర్వాత మురుగదాస్ సినిమా చేసేందుకు రంగం సిద్ధం చేసుకుంటున్నాడు.