హైదరాబాద్: వరంగల్ పార్లమెంట్ నియోజకవర్గ ఉపఎన్నిక ఫలితాన్ని రిటర్నింగ్ అధికారి ప్రకటించారు. టీఆర్ఎస్ అభ్యర్థి పసునూరి దయాకర్ 4,59,092 ఓట్ల మెజారిటీతో విజయం సాధించారు. మరోవైపు కాంగ్రెస్ అభ్యర్థి సర్వే సత్యనారాయణ, బీజేపీ-టీడీపీల ఉమ్మడి అభ్యర్థి దేవయ్య డిపాజిట్‌లు కోల్పోయారు. కాంగ్రెస్ రెండో స్థానంలో నిలిచింది. సర్వేకు 1,56,315, దేవయ్యకు 1,30, 178, వైసీపీ అభ్యర్థి నల్లా సూర్యప్రకాష్‌కు 23,352 ఓట్లు, ఇతరులకు 28,541 ఓట్లు, స్వతంత్ర అభ్యర్థి భాస్కర్‌కు 28,540 ఓట్లు వామపక్షాల అభ్యర్థి గాలి వినోద్ కుమార్‌కు 14,778 ఓట్లు, నోటాకు 7,753 ఓట్లు లభించాయి. ఇక్కడ డిపాజిట్ రావాటానికి 1,72,465 ఓట్లు రావాల్సి ఉండగా ఓడిపోయిన 22మంది అభ్యర్థులలో ఎవరికీ ఆ మొత్తంలో ఓట్లు లభించలేదు. అయితే తెలుగు రాష్ట్రాలు రెండింటిలో ఇప్పటివరకు అత్యధిక మెజారిటీ సాధించిన వారిలో పీవీ నరసింహారావు, జగన్ మొదటి, రెండు స్థానాలలో ఉండగా, దయాకర్ మూడో స్థానానికి చేరుకున్నారు.