తన విలక్షణ నటనతో అటు కోలీవుడ్ తో పాటుగా టాలీవుడ్ లో కూడా అభిమానులను ఏర్పరచుకున్న సూర్య సినిమాలు అక్కడ ఇక్కడ మంచి ఆదరణ పొందుతూ వస్తున్నాయి. రీసెంట్ గా మాయ సినిమాతో తెలుగు తమిళ ప్రేక్షకులను అలరించిన సూర్య ’24’ అనే సరికొత్త కాన్సెప్ట్ ఓరియెంటెడ్ సినిమాతో రాబోతున్నాడు. ఇష్క్, మనం సినిమాలతో మంచి దర్శకుడిగా గుర్తింపు తెచ్చుకున్న విక్రం కుమార్ ఈ సినిమాను డైరెక్ట్ చేయడం విశేషం.

సూర్య నిర్మాతగా తన 2డి ఎంటర్టైన్మెంట్ బ్యానర్లో నిర్మిస్తున్న సినిమా ఇది. సమంత హీరోయిన్ చేస్తున్న ఈ సినిమాకు ఏ.ఆర్.రెహమాన్ సంగీతాన్ని అందిస్తున్నారు. సూర్య 24 సినిమాకు సంబంధించిన ఫస్ట్ లుక్ పోస్టర్స్ ని కొద్ది గంటల క్రితం రిలీజ్ చేశారు చిత్ర యూనిట్. రిలీజ్ చేసిన పోస్టర్స్ లో సూపర్ హీరోగా దర్శనమిస్తున్న సూర్య చూస్తుంటే ఈ సినిమాతో భారీ విజయాన్ని తన ఖాతాలో వేసుకునేట్టు ఉన్నాడు.

సినిమాను తెలుగులో కూడా అదే టైటిల్ తో నితిన్ డబ్ చేసి రిలీజ్ చేస్తున్నాడు. ముందు సంక్రాంతికి రిలీజ్ అనుకున్న ఈ సినిమా పొంగాల్ వార్ నుండి తప్పుకుని సమ్మర్ రిలీజ్ కు రెడీ అయ్యిందని అంటున్నారు. మరి సరికొత్త కథ కథనాలతో వస్తున్న సూర్య 24 సినిమా ప్రేక్షకులకు ఎలాంటి అనుభూతిని ఇస్తుందో చూడాలి. సినిమా స్టార్ట్ అయిన నాటినుండి భారీ అంచనాలు ఏర్పడ్డ ఈ సినిమా ఎన్ని రికార్డులను క్రియేట్ చేస్తుందో చూడాలి