మలయాళ సూపర్ స్టార్ మోహన్ లాల్ యంగ్ టైగర్ ఎన్.టి.ఆర్ సినిమాలో నటిస్తున్నాడని ఫిల్మ్ నగర్ టాక్. ప్రస్తుతం ఎన్.టి.ఆర్ నాన్నకు ప్రేమతో సినిమా షూటింగ్లో బిజీగా ఉన్నాడు. ఆ సినిమా తర్వాత కొరటాల శివ డైరక్షన్లో జనతా గ్యారేజ్ సినిమా కమిట్ అయ్యాడు ఎన్.టి.ఆర్. యంగ్ టైగర్ లోని మాస్ ఎమోషన్ని ఈ సినిమా ద్వారా మరోసారి ప్రేక్షకులకు అందించనున్నాడు కొరటాల శివ. బృందావనం సినిమాతో రైటర్ గా పరిచయమున్న శివతో ఎన్.టి.ఆర్ సినిమా చేయడం విశేషం.
అయితే ఈ సినిమాలో మలయాళ సూపర్ స్టార్ నటిస్తున్నాడని అధికారికంగా ఎనౌన్స్ చేశారు సినిమా నిర్మాతలు మైత్రి మూవీ మేకర్స్ వారు. శ్రీమంతుడు సినిమా నిర్మించిన మైత్రి మూవీ మేకర్స్ వారే ఈ సినిమాను నిర్మించడం జరుగుతుంది. సినిమాలో హీరోతో పాటుగా మరో ఎమోషన్ క్యారక్టర్ ఉంది. ముందు ఈ పాత్రకు హరికృష్ణని పెడదామనుకున్నా, కొరటాల శివ ఆ పాత్రకు మోహన్ లాల్ ని సూచించడంతో ఆయన్నే ఫైనల్ చేశారు.
గాంధీవం సినిమాలో ఏయన్నార్ తో ‘గోరువంక వాలగానే…’ పాటలో కనిపించి అలరించిన మోహన్ లాల్ తర్వాత తెలుగు సినిమాలు చేయలేదు. ఆయన మలయాళంలో చేసిన ఎన్నో సినిమాలు తెలుగులో రీమేక్ అవ్వడం జరిగింది. ఎన్.టి.ఆర్, మోహన్ లాల్ కలిసి నటిస్తున్న ఈ సినిమా ఎలాంటి సంచలనాలను సృష్టిస్తుందో చూడాలి.
