మాటల మాంత్రికుడు త్రివిక్రం దర్శకత్వంలో వస్తున్న సినిమా ‘అఆ’. నితిన్, సమంత జంటగా నటిస్తున్న ఈ సినిమా టీజర్ కొద్ది నిమిషాల క్రితం రిలీజ్ అయ్యింది. అనసూయ రామలింగం, ఆనంద్ విహారి పక్క పక్కనే ఉండే రెండు అక్షరాల పరిచయానికి పాతికేళ్ల టైం పట్టింది అంటూ త్రివిక్రం టీజర్ లోనే సినిమాలోని విషయాన్ని తన పెన్ కు ఉన్న పవర్ ను మరోసారి తెలియచెప్పేలా చేశాడు. కూల్ లుక్స్ తో సమంత మరోసారి అభిమానులను అలరించేందుకు రెడీ అయ్యింది.
హారిక అండ్ హాసిని క్రియేషన్స్ పతాకంలో రాధాకృష్ణ నిర్మిస్తున్న ఈ సినిమాకు మిక్కి జె మేయర్ సంగీతాన్ని అందిస్తున్నారు. ప్రస్తుతం షూటింగ్ చివరి దశలో ఉన్న ‘అఆ’ సినిమా త్వరలో ఆడియో రిలీజ్ ను.. మే నెల చివరి కల్లా సినిమాను రిలీజ్ చేసే ఆలోచనలో ఉన్నారు దర్శక నిర్మాతలు. రిలీజ్ అయిన ‘అఆ’ టీజర్ మాత్రం ఆడియెన్స్ ను ఇంప్రెస్ చేస్తుంది.
