ఆది పినిశెట్టి హీరోగా ఎప్పుడూ ఫెయిల్ కాలేదు. క‌మ‌ర్షియ‌ల్ గా త‌న సినిమాలు అనుకొన్నంత విజ‌యాన్ని అందుకోక‌పోయినా… వైవిధ్య‌మైన క‌థ‌ల్ని మాత్రం ప‌రిచ‌యం చేయ‌డంలో విజ‌య‌వంత‌మ‌య్యాడు. ఇప్పుడు త‌ను మ‌రో ప్ర‌యోగం చేస్తున్నాడు. అదే..`శ‌బ్దం`. ఆది పినిశెట్టి క‌థానాయ‌కుడిగా న‌టిస్తున్న కొత్త చిత్ర‌మిది. అరివ‌జ్జ‌గ‌న్ ద‌ర్శ‌కత్వం వ‌హిస్తున్నాడు. వీరిద్ద‌రి కాంబినేష‌న్‌లో ఇది వ‌ర‌కు `వైశాలి` వ‌చ్చింది. అది మంచి విజ‌యాన్నిఅందుకొంది. త‌మ‌న్ ఈ చిత్రానికి సంగీతం అందించ‌నున్నాడు. ఈరోజే కాన్సెప్ట్ పోస్ట‌ర్ కూడా విడుద‌లైంది. టైటిల్ కి త‌గ్గ‌ట్టుగానే ఓ పెద్ద చెవి… ఓ పెద్ద ప‌క్షుల గుంపు.. ఇవీ – పోస్ట‌ర్‌లో క‌నిపిస్తున్నాయి. ఈ చిత్రంలో ఆది ఓ చెవిటివాడిగా న‌టించ‌బోతున్నాడ‌న్న సంగ‌తి పోస్ట‌ర్ చూస్తే అర్థ‌మ‌వుతుంది. అది కాక‌.. ఈ క‌థ‌లో ఇంకెన్ని కోణాలున్నాయో తెలియాలంటే ఇంకొన్ని రోజులు ఆగాలి.