ఈత‌రం కుర్ర హీరోలంతా కాన్సెప్ట్ క‌థ‌ల‌వైపు ప‌రుగులు పెడుతున్నారు. నాని, సందీప్ కిష‌న్‌, నిఖిల్ వీళ్లంతా వెరైటీ క‌థ‌ల్ని ఎంచుకోవ‌డంలో పోటీ ప‌డుతున్నారు. ఆ ఉత్సాహాన్ని ప్రేక్ష‌కులూ బాగానే ప్రోత్స‌హిస్తున్నారు. కొంత‌మంది మాత్రం మాస్‌, క‌మ‌ర్షియ‌ల్ బాట విడ‌చి బ‌య‌ట‌కు రావ‌డం లేదు. అలాంటి హీరోల్లో ఆది ఒక‌డు. ప్రేమ కావాలి అంటూ టాలీవుడ్ కి ప‌రిచ‌య‌మ‌య్యాడు ఆది. డాన్సులు, ఫైట్ల‌లో ఆది ఈజ్ చూసి అంతా ముచ్చ‌ట‌ప‌డ్డారు. అందుకేనేమో ల‌వ్ స్టోరీలు చేయాల్సిన ఏజ్‌లో యాక్ష‌న్ హీరోగా పేరు తెచ్చుకోవాల‌ని తెగ ఉబ‌లాట ప‌డుతున్నాడు. అందుకే ఈమ‌ధ్య ఆదికి గ‌ట్టి ఫ్లాపులు త‌గిలాయి. ఇప్పుడు చుట్టాల‌బ్బాయ్ అంటూ మ‌రోసారి త‌న అదృష్టాన్ని ప‌రీక్షించుకొంటున్నాడు.
వీర‌భ‌ద్ర‌మ్ ద‌ర్శ‌క‌త్వం వ‌హించిన ఈ చిత్రం టీజ‌ర్ ఈరోజే విడుద‌లైంది. టీజ‌ర్ చూస్తుంటే ఆది ఏం మార‌డ‌లేద‌ని అనిపిస్తోంది. ఈసారీ మాస్‌, యాక్ష‌న్ ఫార్ములానే న‌మ్ముకొన్న‌ట్టుంది. టీజ‌ర్లో రెండు డైలాగున్నాయ్‌.. అవీ చ‌ప్ప‌గానే సాగాయి. యాక్ష‌న్ ఎపిసోడ్‌లో… రౌడీలు బంతుల్లా గింగిరాలు తిరుగుతున్నారు. వ‌య‌సుకి మించిన బాధ్య‌త నెత్తిమీద వేసుకొన్న‌ట్టే అనిపిస్తోంది. మ‌రి చుట్టాల‌బ్బాయ్ తో ఆది షాకిస్తాడో… లేదంటే ఆదికే ఆడియ‌న్స్ షాకిస్తారో తేలాలంటే చుట్టాల‌బ్బాయ్ బ‌య‌ట‌కు రావాల్సిందే.
