అమెరికాలో రిచ్‌గా పెరిగిన కుర్రాడు..
స‌డ‌న్‌గా ఇండియాలోని స్ల‌మ్‌లో ప‌డితే ఎలా ఉంటుంది?
డాల‌ర్ల‌లో ఊగిన పిల్లాడు
ఇక్క‌డ చిల్ల‌ర కోసం అల్ల‌రి వేషాలు వేస్తే ఎలా ఉంటుంది?
– ఎబీసీడీలో అల్లు శిరీష్‌ని చూస్తే అర్థ‌మైపోతుంది. మ‌ల‌యాళంలో మంచి హిట్ట‌యిన ‘ఏసీడీసీ’ని అదే పేరుతో తెలుగులో రీమేక్ చేశారు. సంజీవ్ రెడ్డి ద‌ర్శ‌క‌త్వం వ‌హించారు. సినిమా విడుద‌ల‌కు సిద్ధ‌మైంది. ఈరోజు ట్రైల‌ర్‌ని విడుద‌ల చేశారు. కామెడీ, రొమాన్స్‌, యాక్ష‌న్‌, పొలిటిక‌ల్ గేమ్‌, హ్యూమ‌న్ ఎమోష‌న్స్‌… ఇలా ఏబీసీడీలో ఏ టూ జెడ్ అన్నీ ఉండేలా జాగ్ర‌త్త ప‌డ్డారు. చాలారోజుల త‌ర‌వాత భ‌ర‌త్ ఈ చిత్రంలో న‌టిస్తున్నాడు. బాల న‌టుడిగా మెప్పించిన భ‌ర‌త్‌… హీరో స్నేహితుడుఇగా పూర్తి స్థాయి నిడివి ఉన్న పాత్ర‌ని పోషించాడు. హీరో – హీరోయిన్ల మ‌ధ్య కెమిస్ట్రీ కంటే వీరిద్ద‌రి కెమిస్ట్రీనే ఈ సినిమాకి కీల‌కం కానుంది. దానికి తోడు వెన్నెల కిషోర్ ఎలాగూ ఉన్నాడు. ‘మెల్ల‌మెల్ల‌మెల్ల‌గా’ అనే సిద్ శ్రీ‌రామ్ పాట ఇప్ప‌టికే పాపుల‌ర్ అయ్యింది. మొత్త‌మ్మీద‌.. ఈ రీమేక్‌పై ఆశ‌లు పెంచుకోవ‌చ్చ‌న్న న‌మ్మ‌క‌మైతే ట్రైల‌ర్‌లో క‌నిపించింది. రిలీజ్ డేట్ మాత్రం ఇంకా ఖరారు చేయాల్సివుంది.